Nostradamus

Centurie I

Q.1
ESTANT assis de nuict secret estude,
Seul reposé sur la selle d’aerain:
Flambe exigue sortant de solitude,
Fait prosperer qui n’est à croire vain.

Q.2
La [vierge][verge] en main mise au milieu de Branches
De l’onde il [moulle][mouille] & le [l’imbe][limbe] & le pied:
Vn peur & voix fremissent par les manches:
Splendeur diuine. Le diuin pres s’assied

Q.3
Quand la lictiere du tourbillon versee,
Et seront faces de leurs manteaux couuers,
La republique par gens nouveaux vexee,
Lors blancs & rouges [iureront][jugeront] à l’enuers.

Q.4
04 Par l’vnivers sera faict vn monarque,
Qu’en paix & vie ne sera longuement:
Lors se perdra la piscature barque,
Sera regie en plus grand detriment.

Q.5
Chassez seront pour faire long combat,
Par les pays seront plus fort greuez:
Bourg & cité auront plus grand debat.
[Carcas][Carcassonne]. Narbonne auront coeur esprouuez.

Q.6
L’oeil de Rauenne sera destitué,
Quand à ses pieds les aisles failliront:
Les deux de Bresse auront constitué,
Turin, Verseil que Gaulois fouleront.

Q.7
Tard arriué l’execution faicte,
Le vent contraire lettres au chemin prinses:
Les coniurez XIIIJ. d’vne secte,
Par le Rousseau senez les entreprinses

Q.8
Combien de fois prinse cité [solitaire][solaire]
Seras[][,] changeant ses loix barbares & vaines:
Ton mal [s’aproche][s’approche]. Plus seras tributaires[][,]
Le grand [Hardie][Hadrie] [recouurira][recourira] tes veines.

Q.9
De l’Orient viendra le coeur Punique
Fascher Hadrie, & les hoires Romulides,
Acompagne de la classe Libique,
Temples Melites & proches Isles vuides.

Q.10
Serpens transmis en la cage de fer,
Ou les enfans septains du Roy sont pris:
Les vieux & peres [sortirons][sortiront] bas de l’enfer,
Ains mourir voir de fruict mort & cris.

Q.11
Le mouuement de sens, coeur pieds & mains,
Seront d’accord. Naples, Lyon, Sicile.
Glaiues, feux, eaux, puis aux nobles Romains,
Plongez, tuez, morts par cerueau debile

Q.12
Dans peu dira [fauce][faulce] brute fragile
De bas en haut esleué promptement:
Puis en [istant][instant] desloyale & labile,
Qui de Veronne aura gouuernement

Q.13
Les exilez par ire, haine intestine,
Feront au Roy grand coniuration:
Secret mettront ennemis par la mine,
Et ses vieux siens contre eux sedition.

Q.14
De gent esclaue chansons, chants & requestes,
Captifs par Princes & [Seigneurs][Seigneur] aux prisons:
A l’aduenir par idiots sans testes,
Seront receus par diuines oraisons.

Q.15
Mars nous menasse par sa force bellique,
Septante fois fera le sang espandre:
Auge & ruyne de l’Ecclesiastique
Et plus ceux qui d’eux rien voudront entendre.

Q.16
[Faux][Faulx] à l’estang ioinct vers le Sagittaire,
En son haut AVGE de l’exaltation,
Peste, famine, mort de main militaire,
Le siecle approche de renouation.

Q.17
Par quarante ans l’Iris n’apparoistra,
Par quarante ans tous les iours sera veu:
La terre aride en siccité croistra,
Et grands [deloges][deluges] quand sera apperceu.

Q.18
Par la discorde Negligence Gauloise,
Sera passage à Mahommet ouuert:
De sang trempé la terre & mer Senoise,
Le port Phocen de voilles & [nerfs][nefs] couuert.

Q.19
Lors que serpens viendront circuer [l’arc][l’are],
Le sang Troyen vexé par les Espaignes:
Par eux grand nombre en sera faicte [tarc][tare],
Chef [fruict][fruit], caché aux [marcs][mares] dans les saignes.

Q.20
Tours, [Oriens][Orleans], Blois, Angers, Reims & Nantes,
Cités vexees par subit changement.
Par langues estranges seront tenduës tentes,
Fleuues, dards Renes terre & mer tremblement.

Q.21
Profonde argille blanche nourrit rocher,
Qui d’vn abysme istra lacticineuse,
En vain troublez ne l’oseront toucher,
Ignorant estre au fond terre argilleuse.

Q.22
Ce que viura & n’ayant aucun sens,
Viendront leser à mort son artifice:
Autun, Chalon, Langres, & les deux Sens,
La gresle & glace fera grand malefice

Q.23
Au mois troisiesme se leuant le Soleil,
Sanglier, Leopart, au champ mars pour côbatre
Leopart [lassé][laissé] au ciel estend son oeil,
Vn Aigle autour du Soleil voyt s’esbatre.

Q.24
A cité neuue pensif pour condamner,
L’oisel de proye au ciel se vient offrir:
Apres victoire à [captif][captifs] pardonner,
Cremone & Mâtoue grâds maux aura souffert.

Q.25
Perdu trouué caché de si long siecle,
Sera pasteur demy Dieu honnore:
Ains que la Lune acheue son grand siecle,
Par autres vents sera deshonnoré.

Q.26
Le grand du foudre [tumbe][tombe] d’heure diurne,
Mal, & predict par porteur postulaire:
Suiuant presage [tumbe][tombe] [de l’heure][d’heure] nocturne,
Conflict Reims, Londres, Ettrusque pestifere.

Q.27
Dessouz le chaine Guien du ciel frappé,
Non loing de là est caché le thresor:
Qui par longs siecles auoit esté grappé,
Trouué mourra, l’oeil creué de ressort.

Q.28
La tour de Boucq craindra fuste Barbare,
Vn temps, long temps apres barque hesperique:
Bestail, [gês][gens], meubles, tous deux ferôt grâd tare,
Taurus, & Libra, quelle mortelle picque?

Q.29
Quand le poisson terrestre & aquatique
Par forte vague au grauier sera mis,
Sa forme estrange suaue & horrifique,
Par [mes][mer] aux [meurs][murs] bien tost les ennemis.

Q.30
La nef estrange par le tourment marin,
Abordera pres de port incogneu:
Nonobstant signes de rameau palmerin,
Apres mort pille bon aduis tard venu.

Q.31
Tant d’ans en Gaule les guerres dureront,
Outre la course du Castulon monarque:
Victoire incerte trois grands couronneront,
Aigle, Coq, Lune, Lyon, Soleil en marque.

Q.32
Le grand Empire sera tost translaté
En lieu petit, qui bien tost viendra croistre,
Lieu bien infime d’exigue comté,
Où au milieu viendra poser son sceptre.

Q.33
Pres d’vn grand pont de plaine spatieuse,
Le grand Lyon par forces Cesarees,
Fera abbatre hors cité rigoreuse,
Par effroy portes luy seront reserrees.

Q.34
L’oyseau de proye volant à la senestre,
Auant conflict faict aux François pareure:
L’vn bon prendra, l’vn [ambique][ambigue] sinistre,
La partie foible tiendra par [son][bon] augure.

Q.35
Le lyon ieune le vieux surmontera,
En champ bellique par singulier duelle:
Dans cage d’or les yeux luy creuera,
Deux classes vne, puis mourir, mort cruelle.

Q.36
Tard le monarque se viendra repentir,
De n’auoir mis à mort son aduersaire:
Mais viendra bien à plus haut consentir,
Que tout son sang par mort fera deffaire.

Q.37
Vn peu deuant que le Soleil s’absconde,
Conflict donné, grand peuple dubiteux:
Profligez, port marin ne faict response,
Pont & sepulchre en deux estranges lieux

Q.38
Le Sol & l’Aigle au victeur paroistront,
Response vaine au vaincu l’on asseure:
Par cor ne crys harnois n’arresteront,
Vindicte paix par mors si acheue à l’heure.

Q.39
De nuict dans lict le supresme estranglé,
Pour trop auoir seiourné blond esleu.
Par trois l’Empire subrogé exanclé,
A mort mettra carte, & pacquet ne leu.

Q.40
La [trompe][trombe] fausse dissimulant folie,
Fera Bisance vn changement de loix,
Histra d’Egypte qui veut que l on [deffie][délie]
Edict changeant monnoyes & aloys.

Q.41
Siege en cité est de nuict [assallie][assaillie],
Peu eschappé, non loin de mer conflict:
Femme de ioye, retours fils defaillie,
Poison & lettres cachees dans le plic.

Q.42
Le dix Calendes d’Auril de faict Gotique,
Resuscité encor par gens malins:
Le feu estainct, assemblee diabolique,
Cherchant les os du d’Amant & Pselin.

Q.43
Auant qu’aduienne le changement d’Empire,
Il aduiendra vn cas bien merueilleux:
Le [camp][champ] mué, le pillier de porphire,
Mis, [transmué][translaté] sus le rocher noilleux.

Q.44
En bref seront de retour sacrifices,
Contreuenans seront mis à martyre:
Plus ne seront moines, abbes, ne nouices,
Le miel sera beaucoup plus cher que cire.

Q.45
Secteur de sectes grand peine au delateur,
Beste en theatre dressé le ieu scenique,
Du faict antique ennobly l’inuenteur,
Par sectes monde confus & schismatiques.

Q.46
Tout apres d’Aux de Lestore & Mirande
Grand feu du ciel en trois nuicts tombera:
Cause aduiendra bien stupende & mirande,
Bien peu apres la terre tremblera.

Q.47
Du lac Leman les sermons fascheront,
Des iours seront reduits par des sepmaines,
Puis moys, puis an, puis tous failliront,
Les Magistras danneront leur loix vaines.

Q.48
Vingt ans du regne de la Lune passez,
Sept mil ans autre tiendra sa monarchie:
Quand le Soleil prendra ses iours lassez:
Lors [accomplir][accomplit] & mine ma prophetie.

Q.49
Baucoup auant telles menees,
Ceux d’Orient par la vertu lunaire:
L’an mil sept cens feront grands emmenees,
Subiungant presques le coing Aquilonaire.

Q.50
De l’aquatique triplicité naistra,
D’vn qui fera le Ieudy pour sa feste:
Son bruit, loz, regne, sa puissance croistra,
Par terre & mer aux Oriens tempeste.

Q.51
Chef d’Aries, Iupiter, & Saturne,
Dieu eternel quelles mutations?
Puis par long siecle son maling temps retourne
Gaule & Italie, quelles esmotions?

Q.52
Les deux malins de Scorpion conioinct,
Le grand Seigneur [meurdry][meurtry] dedans sa salle:
Peste à l’Eglise par le nouueau Roy ioinct,
L’Europe basse & Septentrionale.

Q.53
Las! qu’on verra grand peuple tourmenté,
Et la loy saincte en totale ruine,
Par autres loix toute la Chrestienté,
Quand d’or d’argent trouue nouuelle mine.

Q.54
Deux reuolts faicts du maling falcigere,
De regne & siecles faict permutation:
Le mobil signe à son endroit si ingere,
Aux deux esgaux & d’inclination.

Q.55
Soubs l’opposite climat Babilonique,
Grande sera de sang effusion,
Que terre & mer, air, ciel sera inique,
Sectes, faim, regnes pestes, confusion.

Q.56
Vous verrez tost & tard faire grand change,
Horreurs extremes & vindications:
Que si la Lune conduite par son ange,
Le ciel s’approche des inclinations.

Q.57
Par grand discord la [terre][trombe] tremblera,
Accord rompu dressant la teste au ciel,
Bouche sanglante dans le sang nagera,
Au sol la face ointe de laict & miel.

Q.58
Tranché le ventre naistra auec deux testes,
Et quatre bras: quelques ans entiers viura
Iour qui Alquiloye celebrera ses festes,
Fossen, Turin, chef Ferrare suiura.

Q.59
Les exilez deportez dans les isles,
Au changement d’vn plus cruel monarque
Seront meurtris, & mis deux [des][les] scintiles,
Qui de parler ne seront estez parques.

Q.60
Vn Empereur naistra pres d’Italie,
Qui à l’Empire sera vendu bien cher:
Diront auec quels gens il se ralie,
Qu’on trouuera moins prince que boucher.

Q.61
La republique miserable infelice
Sera vastee du nouueau magistrat:
Leur grand amas de l’exil malefice
Fera Sueue rauir leur grand contract.

Q.62
La grande perte, las! que feront les lettres,
Auant le [ciel][cicle] de Latona parfaict:
Feu grand deluge plus par ignares sceptres,
Que de long siecle ne se verra refaict.

Q.63
Les fleurs passees diminue le monde,
Long temps la paix terres inhabitees:
Seur marchera par ciel, terre, mer & onde,
Puis de nouueau les guerres suscitees.

Q.64
De nuict Soleil penseront [auois][avoir] veu.
Quand le pourceau demy homme on verra:
Bruit chant, bataille au ciel batre apperceu,
Et bestes brutes à parler [l’on][lon] orra.

Q.65
Enfant sans mains iamais veu si grand foudre,
L’enfant Royal au ieu d’oesteuf blessé:
Au puy brises fulgures allant mouldre,
Trois souz les chaines par le milieu troussés

Q.66
Celuy qui lors portera les nouuelles
Apres vn peu il viendra respirer,
Viuiers, Tournon, Montferrant & Pradelles,
Gresle & tempestes [le][les] fera souspirer.

Q.67
La grand famine que ie sens approcher,
Souuent tourner, puis estre vniuerselle,
Si grande & longue qu’on viendra arracher
Du bois racine, & l’enfant de mammelle.

Q.68
O quel horrible & malheureux teurment,
Trois innocens qu’on viendra à liurer
Poison suspecte, mal gardé [tardiment][tradiment].
Mis en horreur par bourreaux enyurez.

Q.69
La grand montagne ronde de sept stades,
Apres paix, guerre, faim, inodation,
Roulera loin abismant grands contrades,
Mesmes antiques, & grands fondation.

Q.70
Pluye, faim, guerre en Perse non cessee,
La foy trop grand trahira le monarque:
Par la finie en Gaule commencee,
Secret augure pour à vn estre parque.

Q.71
La tour marine troys foys prise & reprise,
Par Espagnols, Barbares, Ligurains:
Marseille & Aix, Arles par ceux de Pise,
Vast, feu, fer pillé Auignon des Thurins.

Q.72
Du tout Marseille des habitans changee,
Course & poursuite iusqu’au pres de Lyon,
Narbon, Tholouse par Bourdeaux outragee,
Tuez captifs presque d’vn milion.

Q.73
France à cinq pars par neglect assaillie,
Tunys, [Argal][Argel] esmeuz par Persiens:
Leon, Seuille, Barcellonne faillie,
N’aura la classe par les Venitiens.

Q.74
Apres seiourné [vagueront][vogueront] en Epire,
Le grand secours viendra vers Anthioche.
Le noir poil crespe [rendra][tendra] fort à l’Empire,
Barbe d’aerain se rostira en broche.

Q.75
Le tyran Sienne occupera Sauonne,
Le fort gaigné tiendra classe marine:
Les deux armees par la marque d’Anconne,
Par effrayeur le chef s’en examine.

Q.76
D’vn nom farouche tel proferé sera,
Que les trois seurs auront fato le nom:
Puis grand peuple par langue & faict dira
Plus que nul autre aura bruit & renom.

Q.77
Entre deux mers [dreslera][dressera] promontoire,
Que puis mourra par le mors du cheual:
Le sien Neptune pliera voile noire,
Par Calpre & classe aupres de Rocheual.

Q.78
D’vn chef vieillard naistra sens hebeté,
Degenerant par sçavoir & par armes:
Le chef de France par sa soeur redouté,
Champs diuisez, concedez aux gendarmes.

Q.79
Bazaz, Lestore, Condon, Ausch, Agine,
[Esmeurs][Esmeus] par loix, querelle & monopole:
Car Bourd. Tholouse, Bay mettra en ruine:
Renouueller voulant leur tauropole.

Q.80
De la sixiesme claire splendeur celeste,
Viendra tonner si fort en la Bourgongne,
Puis [n’aystra][naistra] monstre de tres hideuse beste:
Mars, Auril, May, Iuin, grâd charpin & rongne.

Q.81
D’humain troupeau neuf seront mis à part,
De iugement & conseil separez:
Leur sort sera diuisé en depart,
Kappa, Thita, Lambda mors bannis esgarez.

Q.82
Quand les colonnes de bois grande tremblee,
D’Auster conduite, couuerte de rubriche:
Tant vuidera dehors grande assemblee,
Trembler Vienne & le pays d’Austriche.

Q.83
La gent estrange diuisera butins,
Saturne en Mars son regard furieux:
Horrible estrange aux Toscans & Latins,
Grecs qui seront à frapper curieux.

Q.84
Lune obscurcie aux profondes tenebres,
Son frere passe de couleur ferrugine:
Le grand caché long temps sous les tenebres,
Tiedera fer dans la playe sanguine.

Q.85
Par la response de dame Roy troublé,
Ambassadeurs mespriseront leur vie:
Le grand ses freres contrefera doublé,
Par deux mourront ire, haine & enuie.

Q.86
La grande Royne quand se verra vaincue,
Fera excés de masculin courage,
Sur cheual, fleuue passera toute nue,
Suite par fer: à foy fera outrage.

Q.87
Ennosigee feu du centre de terre,
Fera trembler autour de cité neuue
Deux grâds rochers long têps feront la guerre,
Puis Arethuse rougira nouueau fleuue.

Q.88
Le diuin mal surprendra le grand Prince,
Vn peu deuant aura femme espousee,
Son appuy & credit à vn coup viendra mince,
Conseil mourra pour la teste rasee.

Q.89
[Touts][Tous] ceux de [Iler ne][Ilerde] seront dans la Moselle,
Mettant à mort tous ceux de Loire & Seine:
Le cours marin viendra pres d’haute velle,
Quand Espagnols ouurira toute veine.

Q.90
Bourdeaux, Poitiers au son de la [campagne][campane],
A grande classe ira iusqu’à l’Angon,
Contre Gaulois sera leur tramontane,
Quand monstre hideux naistra pres de Orgô.

Q.91
Les Dieux feront aux humains apparence,
Ce qu’ils seront autheurs de grand conflict:
Auant ciel veu serain espee & lance,
Que vers main gauche [se][sera] plus grand afflict.

Q.92
Souz vn la paix par tout sera clamee,
Mais non long temps pille, & rebellion,
Par refus ville, terre & mer entamee,
Morts & captifs le tiers d’vn million.

Q.93
Terre Italique pres monts tremblera,
Lyon & Coq non trop confederez,
En lieu de peur l’vn l’autre s’aidera,
Seul Catulon & Celtes moderez.

Q.94
Au port Selin le tyran mis à mort,
La liberté non pourtant recouuree:
Le nouueau Mars par vindicte & remort,
Dame par force de frayeur honoree.

Q.95
Deuant moustier trouué enfant besson,
D’heroic sang de moine & vetustique:
Son bruit par secte langue & puissance son,
Qu’on dira fort esleué le vopisque.

Q.96
Celuy qu’aura la charge de destruire
Temples, & sectes, changez par fantasie:
Plus au rochers qu’aux viuans viendra nuire,
Par langue ornee d’oreilles rassasie.

Q.97
Ce que fer, flamme n’a sçeu paracheuer,
La douce langue au conseil viendra faire:
Par repos, songe, le Roy fera resuer,
Plus l’ennemy en feu, sang militaire.

Q.98
Le chef qu’aura conduit peuple infiny
Loing de son ciel, de moeurs & langue estrange,
Cinq mil en Crete & Thessalie finy,
Le chef fuyant sauué en marine grange.

Q.99
Le grand monarque que fera compagnie
Auec deux Roys vnis par amitié:
O quel souspir fera la grand mesgnie,
Enfants Narbon à l’entour quel pitié.

Q.100
Long temps au ciel sera veu gris oyseau,
Aupres de Dole & de Toscane terre:
Tenant au bec vn verdoyant rameau,
Mourra tost grand & [finera][finira] la guerre.

Centurie II

Q.1
VERS Aquitaine par insuls Britanniques
De par eux-mesmes grandes incursions
Pluyes, gelees feront terroirs iniques,
Port Selyn fortes fera inuasions.

Q.2
La teste bleue fera la teste blanche
Autant de mal, que France a faict leur bien:
Mort à l’anthene, grand pendu sus la branche,
Quand prins des siens le Roy dira combien.

Q.3
Pour la chaleur [solitaire][solaire] sus la mer,
De Negrepont les poissons demy cuits:
Les habitans [][les] viendront entamer,
Quand Rhod & Gennes leur faudra le biscuit.

Q.4
Depuis Monach iusqu’aupres de Sicille,
Toute la plage demourra desolee:
Il n’y aura fauxbourgs, cité, ne ville,
Que par Barbares pillee soit & vollee.

Q.5
Qu’en dans poisson, fer & lettre enfermee,
Hors sortira, qui puis fera la guerre,
Aura par mer sa classe bien ramee,
Apparoissant pres de Latine terre.

Q.6
Aupres des portes & dedans deux citez
Seront deux fleaux, & onc n’apperceut vn tel,
Faim, dedans peste, de fer hors gens boutez,
Crier secours au grand Dieu immortel.

Q.7
Entre plusieurs aux isles deportez,
L’vn estre nay à deux dents en la gorge
Mourront de faim les arbres esbrotez,
Pour eux neuf Roy, nouuel edict leur forge.

Q.8
Temples sacrez prime façon Romaine,
Reietteront les gofres fondements,
Prenant leurs loix premieres & humaines,
Chassant non tout des saincts les cultements.

Q.9
Neuf ans le regne le maigre en paix tiendra,
Puis il cherra en soif si sanguinaire,
Pour luy [][grand]peuple sans foy & loy mourra[][,]
Tué [][par] vn beaucoup plus debonnaire.

Q.10
Auant long temps le tout sera rangé,
Nous esperons vn siecle bien senestre,
L’estat des masques & des seuls bien changé.
Peu trouueront qu’à son rang veuille estre.

Q.11
Le prochain fils de l’aisnier paruiendra
Tant esleué iusqu’au regne des fors:
Son aspre gloire vn chacun craindra,
Mais ses enfans du regne gettez hors.

Q.12
Yeux clos ouuerts d’antique fantasie,
L’habit des seuls seront mis à neant:
Le grand monarque chastiera leur frenaisie,
Ravir des temples le thresor par deuant.

Q.13
Le corps sans ame plus n’estre en sacrifice,
Iour de la mort mis en natiuité:
L’esprit diuin fera l’ame felice,
Voiant le verbe en son eternité.

Q.14
A Tours, Gien, gardé seront yeux penetrans,
Descouuriront de loing la grand sereine:
Elle & sa suitte au port seront entrans,
Combat, poussez, puissance souueraine.

Q.15
Vn peu deuant monarque trucidé?
Castor Pollux en nef, astre crinite:
L’erain public par terre & mer vuidé,
Pise, Ast, Ferrare, Turin terre interdicte.

Q.16
Naples, Palerme, Sicile, Syracuses,
Nouueaux tyrans, fulgures feux celestes:
Force de Londres, Gand, Bruxelles & Suses,
Grand hecatombe, triomphe faire festes.

Q.17
Le [champ][camp] du temple de la vierge vestale,
Non esloigné d’Ethne & monts Pyrenees:
Le grand conduit est caché dans la male,
North gettez fleuues & vignes mastinees.

Q.18
[Nouelle][Nouvelle] & pluye subite, impetueuse,
Empeschera subit deux exercites.
Pierre ciel, feux faire la mer pierreuse,
La mert de sept terre & marin subites.

Q.19
Nouueaux venus lieu basty sans defence,
Occuper la place par lors inhabitable:
Prez, maisons, champs, villes, prêdre à plaisance,
Faim peste, guerre, arpen long [labourage][labourable].

Q.20
Freres & soeurs en diuers lieux captifs,
Se trouueront passer pres du monarque:
Les comtempler ses rameaux ententifs.
Desplaisant voir menton frôt, nez, les marques.

Q.21
L’ambassadeur enuoyé par biremes,
A my chemin d’incogneuz repoussez:
De sel renfort viendront quatre triremes,
Cordes & chaines en Negre pont troussez.

Q.22
Le camp Ascop d’Europe partira,
S’adioignant proche de l’Isle submergee:
D’Araon classe phalange pliera,
Nombril du monde plus grand voix subrogee:

Q.23
Palais, oyseaux, par oyseau dechassé,
Bien tost apres le prince paruenu:
Combien qu’hors fleuue ennemy repoussé,
Dehors saisir trait d’oyseau soustenu.

Q.24
Bestes farouches de faim fleuues tranner;
Plus part du champ encontre Hister sera,
En cage de fer le grand fera treisner,
Quand rien enfant de Germain obseruera.

Q.25
La garde estrange trahira forteresse,
Espoir & vmbre de plus hault mariage:
Garde deçeu, fort prinse dans la presse,
Loyre, Saone, Rosne, Gar, à mort oultrage.

Q.26
Pour [sa][la] faueur que la cité fera,
Au grand qui tost perdra camp de bataille,
[Puis][Fuis] le rang Pau Thesin versera,
De sang, feux morts [yeux][noyés] de coup de taille.

Q.27
Le diuin verbe sera du ciel frappé,
Qui ne pourra proceder plus auant:
Du [reseruant][reserant] le secret estoupé,
Qu’on marchera par dessus & deuant.

Q.28
Le penultiesme du surnom du Prophete,
Prendra Diane pour son iour & repos:
Loing vaguera par frenetique teste,
[En][Et] deliurant vn grand peuple d’impos.

Q.29
L’Oriental [sorrira][sortira] de son siege,
Passer les monts Apennons voir la Gaule:
Transpercera le ciel, les eaux & neige,
Et vn chacun frappera de sa gaule.

Q.30
Vn qui les dieux d’Annibal infernaux,
Fera renaistre, effrayeur des humains.
Oncq’ plus d’horreur ne plus pire iournaux,
Qu’auint viendra par Babel aux Romains.

Q.31
En Campanie le Cassilin fera tant,
Qu’on ne verra [][que] d’aux les champs couuers:
Deuant apres la pluye de long temps,
Hors mis les arbres rien l’on verra de vert.

Q.32
Laict, sang grenoilles escoudre en Dalmatie.
Conflict donné [preste][peste] pres de Balennes:
Cry sera grand par toute Esclauonie,
Lors naistra monstre pres & dedans Rauenne.

Q.33
Par le torrent qui descent de Veronne,
Par lors qu’au Pau [guindera][guidera] son entree.
Vn grand naufrage, & non moins en Garonne,
Quand ceux de Gênes marcherôt leur contree

Q.34
L’ire insensee du combat furieux,
Fera à table par freres le fer luire:
Les [desparrit][despartir] blessé, & curieux,
Le fier duelle viendra en France nuire.

Q.35
Dans deux logis de nuict [la][le] feu prendra,
Plusieurs dedans [estoffez][estouffez] & rostis.
Pres de deux fleuues pour seul il aduiendra:
Sol, l’Arq, & Caper tous seront amortis.

Q.36
Du grand Prophete les lettres seront prinses,
Entre les mains du tyran deuiendront:
Frauder son Roy seront ses entreprinses,
Mais ses rapines bien tost le troubleront.

Q.37
De ce grand nombre que l’on enuoyera,
Pour secourir dans le fort assiegez,
Peste & famine tous les deuorera,
Hors mis septante qui seront profligez.

Q.38
Des condamnez sera fait vn grand nombre,
Quand les monarques seront conciliez:
Mais l’vn d’eux viendra si [malencombre][malencontre],
Que [guerre][guere] ensemble[:][] ne seront [raliez][ralliez].

Q.39
Vn [][an] deuant le conflict Italique,
Germains, Gaulois, Espaignols pour le fort:
Cherra l’escolle maison de republique,
Où, hors mis peu, seront suffoqué morts.

Q.40
Vn peu apres non point longue interualle,
Par mer & terre sera faict grand tumulte:
Beaucoup plus grande sera pugne nauale,
Feux, animaux, qui plus feront d’insulte.

Q.41
La grand’ estoille par sept iours bruslera,
Nuee fera deux soleils apparoir:
Le gros mastin toute nuit hurlera,
Quand grand pontife changera de terroir.

Q.42
Coq, chiens & chats de sang seront repeus,
Et de la playe du tyran trouué mort,
Au lict d’vn autre iambes & bras rompus,
Qui n’avoit [peu][peur] mourir de cruelle mort.

Q.43
Durant l’estoille cheuelue apparente,
Les trois grands princes seront faits ennemis:
Frappez du ciel paix terre tremulente,
Pau, Timbre vndans, serpent sur le bort mis.

Q.44
L’Aigle poussee [en tout][entour] de pauillons,
Par autres oyseaux d’entour sera chassee:
Quand bruit des cymbres tube & sonnaillons
[Rendont][rendront] le sens de la dame insensee.

Q.45
Trop [du][le] ciel pleure l’Androgin procree,
Pres du ciel sang humain respandu:
Par mort trop tard grand peuple recree,
Tard & tost vient le secours attendu.

Q.46
Apres grâd troche humain plus grâd s’appreste
Le grand moteur les siecles renouuelle:
Pluye sang, laict, famine, fer & peste,
Au ciel veu feu, courant longue estincelle.

Q.47
L’ennemy grand vieil dueil meurt de poison,
Les souuerains par infinis subiuguez:
Pierres plouvoir, cachez soubs la toison,
Par mort articles en vain sont alleguez.

Q.48
La grand copie qui passera les monts.
Saturne en l’Arq tournant du poisson Mars:
Venins cachez soubs testes de saumons,
[Leurs][Leur] chief pendu à fil de polemars.

Q.49
Les conseilliers du premier monopole.
Les conquerants seduits pour la Melite,
Rode, Bisance pour leurs exposant pole.
Terre faudra les poursuiuans de fuite.

Q.50
Quâd ceux d’Hainault, de Gâd & de Bruxelles,
Verront à Langres le siege deuant mis:
Derrier leurs flancs seront guerres cruelles
La playe antique fera pis qu’ennemis.

Q.51
Le sang du iuste à Londres fera faute,
Bruslez par foudres de vingt trois les six:
La dame antique cherra de place haute,
De mesme secte plusieurs seront occis.

Q.52
Dans plusieurs nuits la terre tremblera:
Sur le printemps deux effors suite:
Corinthe, Ephese aux deux mers nagera,
Guerre s’esmeut par deux vaillans de luite.

Q.53
La grande peste de cité maritime,
Ne cessera que mort ne soit vengee
Du iuste sang par pris damné sans crime,
De la grand dame par feincte n’outragee.

Q.54
[Pour][Par] gent estrange, & Romains loingtaine,
Leur grand cité apres eaue fort troublee:
Fille sans [mains][] trop different domaine,
Prins chef, ferreure n’auoir esté riblee.

Q.55
Dans le conflict le grand qui [peut][peu] valloit.
A son dernier fera cas merueilleux.
Pendant qu’Hadrie verra ce qu’il falloit,
Dans le banquet pongnale l’orgueilleux.

Q.56
Que peste & glaiue n’a sceu definer,
Mort dans le puys sommet du ciel frappé:
L’abbé mourra quand verra ruiner,
Ceux du naufraige l’escueil voulant grapper.

Q.57
Auant conflict le grand tumbera,
Le grand à mort, mort, trop subite & plainte,
Nay miparfaict la plus part nagera,
Aupres du fleuue de sang la terre teinte.

Q.58
Sans pied ne main dend ayguë & forte,
Par glob au fort de port & layné nay:
Pres du portail desloyal [transport][transporte],
Silene luit, petit[,][] grand [emmené][emmene].

Q.59
Classe Gauloyse par apuy de grand garde,
Du grand Neptune, & ses tridens [souldars][souldats].
Rongee Prouence pour soustenir grand bande:
Plus Mars Narbon, par iauelotz & dards.

Q.60
La foy Punicque en Orient rompue.
Grand Iud, & Rosne Loyre & Tag changeront:
Quand du mulet la faim sera repue,
Classe espargie, sang & corps nageront.

Q.61
[Enge][Euge], Tamins, Gironde & la Rochele,
O sang Troyen mort au port de la fleche
Derrier le fleuue au fort mise l’eschele,
Pointes feu grand meurtre sus la bresche.

Q.62
Mabus [plustost][puis tôt] alors mourra, viendra,
De gens & bestes vn horrible defaite:
Puis tout à coup la vengeance on verra,
Cent, [main][soif], faim quand courra la comete.

Q.63
Gaulois, Ausone bien peu subiugera,
Pau, Marne & Seine fera Perme l’vrie:
Qui le grand mur contre eux dressera,
Du moindre au mur le grand perdra la vie.

Q.64
Secher de faim, de soif, gent Geneuoise,
Espoir prochain viendra au defaillir:
[Snr][Sur] point tremblant sera loy Gebenoise,
Classe au grand port ne se peut accueillir.

Q.65
Le [pare][parc] enclin grande calamité,
Par l’Hesperie & Insubre fera:
Le feu en nef peste & captiuité,
Mercure en l’Arc Saturne fenera.

Q.66
Par [grand][grands] dangiers le captif eschapé,
Peu de temps grand a fortune changee:
Dans le palais le peuple est attrapé,
Par bon augure la cité assiegee.

Q.67
Le blonde au nez [force][forche] viendra commettre,
Par la duelle & chassera dehors:
Les exilez dedans fera remettre,
Aux lieux marins commettant les plus fors.

Q.68
De l’Aquilon les efforts seront grands:
Sus l’Ocean sera la porte ouuerte:
Le regne en l’Isle sera reintegrand,
Tremblera Londres par [voille][voilles] descouuerte.

Q.69
Le Roy Gaulois par la Celtique dextre,
Voyant discorde de la grand Monarchie:
Sur les trois parts fera florir son sceptre,
Contre la [chappe][cappe] de la grand Hierarchie.

Q.70
Le dard du ciel fera son estandue,
Morts en parlant grande execution:
La pierre en l’arbre la fiere gent rendue,
Bruit humain monstre purge expiation.

Q.71
Les exilez en Sicile viendront,
Pour [deliure][délivrer] de faim la gent estrange:
Au point du iour les Celtes luy faudront
La vie demeure à raison: Roy se range.

Q.72
Armee Celtique en Italie vexee,
De toutes pars conflict & grande perte:
Romains fuis, ô Gaule repoussée,
Pres du Thesin Rubicon pugne incerte.

Q.73
Au lac Fucin de Benac le riuage,
Prins de Leman au port de l'[Orgion][Orguion]:
Nay de trois bras predict bellique image,
Par trois couronnes au grand Endymion.

Q.74
De Sens, d’Autun viendront iusques au Rosne,
Pour passer outre vers les monts Pyrenees:
La gent [sortit][sortir] de la marque d’Anconne,
Par terre & mer suyura à grands trainees.

Q.75
La voix ouye de l’insolit oyseau,
Sur le canon du respiral estage:
Si haut viendra du froment le [boisteau][boisseau]
Que l’homme d’homme sera Antropophage.

Q.76
Foudre en Bourgongne fera cas portenteux.
Que par engin oncques ne pourroit faire,
De leur [senar][Senat] sacrist fait boiteux,
Fera sçavoir aux ennemis l’affaire.

Q.77
Par arcs, feux, poix & par feux repoussez,
Cris hurlements sur la minuit ouys:
Dedans sont mis par les rampars cassez,
Par cunicules les traditeurs fuys.

Q.78
Le grand Neptune du profond de la mer,
De gent punique & sang Gaulois meslé:
Les Isles à sang pour le tardif ramer,
[Puis][Plus] luy nuira que l’occult mal celé.

Q.79
La barbe crespe & noire par engin,
Subiuguera la gent cruelle & fiere:
Le grand Chiren ostera du longin.
Tous les captifs par Seline banniere.

Q.80
Apres conflict du lesé l’eloquence,
Par peu de temps se trame faint repos.
Point l’on n’admet les grands à deliurance,
Des ennemis sont remis à propos.

Q.81
Par feu du ciel la cité presque aduste,
L'[vne][Urne] menace encor Deucalion,
Vexee Sardaigne par la Punique fuste,
Apres que Libra lairra son Phaëton.

Q.82
Par faim la proye fera loup prisonnier,
L’assaillant lors en extreme detresse.
Le nay ayant au deuant le dernier,
Le grand n’eschappe au milieu de la presse.

Q.83
Le gros traffic d’vn grand Lyon changé,
La plus part tourne en pristine ruine,
Proye aux soldats par pille vendangé:
Par Iura mont & Sueue bruine.

Q.84
Entre Campaigne, Sienne, Flora, [Tustie][Tuscie],
Six mois neuf iours ne pleuura vne goutte:
L’estrange langue en terre Dalmatie,
[Couurira][Courira] sus, vastant la terre toute.

Q.85
Le vieux [plein][plain] barbe soubs le statut seuere,
A [Lion][Lyon] faict dessus l’Aigle Celtique,
Le petit grand trop outre perseuere,
Bruist d’arme au ciel: mer rouge Ligustique.

Q.86
Naufrage à classe pres d’onde Hadriatique,
La terre tremble esmeuë sus l’air en terre mis:
Egypte tremble augment Mahometique,
L’Herault sov rendre à crier est commis.

Q.87
Apres viendra des extremes contrees,
Prince Germain, dessus le throsne doré:
La seruitude & eaux rencontrees,
La dame serue, son temps plus n’adoré.

Q.88
Le circuit du grand faict ruineux,
Le nom septiesme du cinquiesme sera:
D’vn tiers plus grand l’estrange [belliqueur][belliqueux]:
Mouton, Lutece, Aix ne garantira.

Q.89
Vn iour seront demis les deux grands maistres,
Leur grand pouuoir se verra augmenté:
La terre neuue sera en ses hauts estres,
Au sanguinaire le nombre racompté.

Q.90
Par vie & mort changé regne d’Ongrie,
La loy sera plus aspre que seruice:
Leur grand cité d’hurlemens plaincts & crie,
Castor & Pollux ennemis dans la lice.

Q.91
Soleil leuant vn grand feu l’on verra,
Bruit & clarté vers Aquilon tendants:
Dedans le rond mort & cris l’on orra,
Par glaiue, feu faim, mort les attendants.

Q.92
Feu couleur d’or du ciel en terre veu,
Frappé du haut nay, faict cas merueilleux.
Grand meurtre humain: prinse du grand [le][] neueu,
Morts d'[espactacles][espectacles] eschappé l’orgueilleux.

Q.93
Biens pres du Tymbre presse la Lybitine,
Vn peu deuant grand inondation:
Le chef du nef prins, mis à la sentine,
Chasteau, palais en conflagration.

Q.94
[Grand Paud][GRAND Pau], grand mal pour Gaulois receura,
Vaine terreur au maritin Lyon:
Peuple infiny par la mer passera,
Sans eschapper vn quart d’vn million:

Q.95
Les lieux peuplez seront inhabitables:
Pour champs auoir grande diuision:
Regnes liurez à prudens incapables,
Lors les grands freres mort & dissention.

Q.96
Flambeau ardant au ciel soir sera veu,
Pres de la fin & principe du Rosne,
Famine, glaiue: [tardue][tard le] secours pourueu,
La Perse tourne enuahir Macedoine.

Q.97
Romain Pontife garde de t’approcher,
De la cité [qui][que] deux fleuues arrouse,
Ton sang [viendra][viendras] aupres de [la][là] cracher
Toy & les tiens quand fleurira la rose.

Q.98
Celuy [de][du] sang [reperse][resperse] le visage,
De la victime proche sacrifiee,
Tonant en Leo, augure par presage,
Mis estre à mort lors pour la fiancee.

Q.99
Terroir Romain qu’interpretoit augure,
Par gent Gauloise par trop sera vexee:
Mais nation Celtique craindra l’heure,
Boreas, classe trop loing l'[auoit][avoir] poussee.

Q.100
Dedans les isles si horrible tumulte,
Bien on n’orra qu’vne bellique brigue,
Tant grand sera [de][des] predateurs l’insulte,
Qu’on [te][se] viendra ranger à la grand ligue.

Centurie III

Q.1
APRES combat & bataille nauale,
Le grand Neptune à son plus haut befroy:
Rouge aduersaire de peur viêdra pasle,
Mettant le grand Occean en effroy.

Q.2
Le diuin Verbe donra à la substance,
Côpris ciel, terre, or occult au laict mystique:
Corps, ame esprit ayant toute puissance,
Tant soubs ses pieds comme au siege Celique.

Q.3
Mars & Mercure, & l’argent ioint ensemble,
Vers le midy extreme siccité:
Au fond d’Asie on dira terre tremble,
Corinthe, Ephese lors en perplexité.

Q.4
Quand seront proches le defaut des lunaires,
De l’vn à l’autre ne distant grandement,
Froid, siccité, danger vers les frontieres,
Mesme où l’oracle a prins commencement.

Q.5
Pres loing defaut de deux grands luminaires.
Qui suruiendra entre l’Auril & Mars:
O quel [cherré][cherté]! mais deux grands debonnaires
Par terre & mer secourront toutes pars.

Q.6
Dans temple clos le foudre y entrera,
Les citadins dedans leur fort greuez.
Cheuaux, boeufs, hômes, l’onde mur touchera,
Par faim, soif, soubs les plus foibles armez.

Q.7
Les fugitifs, feu du ciel sus les picques,
Conflict prochain des corbeaux, s’esbatans
De terre on crie, ayde, secours celiques,
Quand pres des murs seront les combatans.

Q.8
Les Cimbres ioints auecques leurs voisins
[De populer][Depopuler] viendront presque l’Espagne:
Gens amassez Guienne & Limosins
Seront en ligue, & leur feront compagne.

Q.9
Bourdeaux Roüan, & la Rochelle ioints,
Tiendront autour la grand mer Occeane,
Anglois, Bretons, & les Flamans conioints
Les chasseront iusqu’aupres de Roüane.

Q.10
De sang & faim plus grand calamité,
Sept fois s’appreste à la marine plage:
Monech de faim, lieu pris, captiuité,
Le grand, mené croc en ferree cage.

Q.11
Les armes batre au ciel longue saison
L’arbre au milieu de la cité tombé:
Verbine rogne, glaiue, en face tison,
Lors le monarque d’Hadrie succombé.

Q.12
Par la tumeur de Heb, Po, [][Tag,] Timbre, & Rome
Et par l’estang Leman & Aretin.
Les deux grands chefs & citez de Garonne,
Prins, mortz noyez: Partir humain butin.

Q.13
Par foudre en l’arche or & argent fondu,
De deux captifs l’vn l’autre mangera
De la cité le plus grand estendu,
Quand submergee la classe nagera.

Q.14
Par le rameau du vaillant personnage,
De France infime, par le pere infelice:
Honneurs, richesses: trauail en son viel aage,
Pour auoir creu le conseil d’homme nice.

Q.15
Coeur, vigueur, gloire le regne changera.
De tous points contre ayant son aduersaire:
Lors France enfance par mort subiugera,
Vn grand Regent sera lors plus contraire.

Q.16
Vn prince Anglois Mars à son coeur de ciel,
Voudra poursuyure la fortune prospere
Des deux duelles l’vn percera le fiel,
Hay de luy bien aymee de sa mere.

Q.17
Mont Auentine brusler nuict sera veu,
Le ciel obscur tout à vn coup en Flandres
Quand le monarque chassera son neueu,
Leurs gens d’Eglise commettrô les esclandres.

Q.18
Apres la pluye laict asses longuette,
En plusieurs lieux de Reims le ciel touché:
O quel conflict de sang pres d’eux s'[apprester][appreste],
Peres & fils Roys n’oseront approcher.

Q.19
En Luques sang & laict viendra plouuoir,
Vn peu deuant changement de preteur:
Grand peste & guerre, faim & soif fera voir
Loin où mourra leur prince [&][] recteur.

Q.20
Par les contrees du grand fleuue Bethique,
Loin d’Ibere au Royaume de Grenade
Croix repoussees par gens Mahometiques
[Vn Cordubete ahira le contrade][Un de Cordube trahira la Contrade].

Q.21

Au Crustamin par mer Hadriatique,
Apparoistra vn horrible poisson,
De face humaine, & la fin aquatique,
Qui se prendra dehors de l’ameçon.

Q.22
Six iours l’assaut deuant cité donné:
Liuree sera forte & aspre bataille:
Trois la rendront, & à eux pardonné,
Le reste à feu & à sang tranche taille.

Q.23
Si France [passe][passes] outre [mert][mer] lygustique,
Tu te verras en isles & mers enclos.
Mahommet contraire, plus mer Hadriatique
Cheuaux & d’Asnes [ty][tu] rongeras les os.

Q.24
De l’entreprinse grande confusion,
Perte de gens thresor innumerable:
Tu n’y dois faire encore tension.
France à mon dire fais que sois recordable.

Q.25
Qui au royaume Nauarrois paruiendra,
Quand [le][de] Sicile & Naples seront ioints:
[Bigore][Bigorre] & [Lances][Landes] par [Foyx][Foix] loron tiendra
D’vn qui d’Espagne sera par trop conioint.

Q.26
Des Roys & Princes dresseront simulacres,
Augures, [creuz][creux] esleuez aruspices:
Corne, victume [d’oree,][dorée] & d’azur, d’acre,
[Inrerpretez][Interpretez] seront les extipices.

Q.27
Prince libinique puissant en Occident.
François d’Arabe viendra tant enflammer.
[Sçauant][Sçavans] aux lettres fera condescendent
La langue Arabe en François translater.

Q.28
De terre foible & pauure parentelle,
Par bout & paix paruiendra dans l’empire.
Long temps regner vne ieune femelle,
Qu’oncques en regne n’en suruint vn si pire.

Q.29
Les deux neueux en diuers lieux nourris.
Nauale pugne, terre peres tombez
Viendront si haut esleuez enguerris
Venger l’iniure, ennemis succombez.

Q.30
Celuy qu’en luitte & fer au faict bellique
Aura porté plus grand que luy le pris:
De nuict au lict six luy feront la pique
Nud sans harnois subit sera surprins.

Q.31
Aux champs de Mede, d’Arabe, & d’Armenie
Deux grands copies trois fois s’assembleront:
Pres du riuage d’Araxes la mesgnie,
Du grand Soliman en terre tomberont.

Q.32
Le grand sepulchre du peuple Aquitanique
S’approchera aupres de la Toscane.
Quand Mars sera pres du coing Germanique
Et au terroir de la gent Mantuane.

Q.33
En la cité où le loup entrera,
Bien pres de là les ennemis seront:
Copie estrange grand pays gastera
Aux murs & Alpes les amis passeront.

Q.34
Quand le deffaut du Soleil lors sera
Sur le plein iour le monstre sera veu:
Tout autrement on l’interpretera,
Cherté n’a garde nul n’y aura pourueu.

Q.35
Du plus profond de l’Occident d’Europe,
De pauures gens vn ieune enfant naistra,
Qui par sa langue seduira grande troupe,
[Sont][Son] bruit au regne d’Orient plus croistra.

Q.36
Enseuely non mort apopletique,
Sera trouué auoir les mains mangees:
Quand la cité damnera l’heretique,
Qu’auoit leurs loix, ce leur sembloit changees,

Q.37
Auant l’assaut l’oraison prononcee,
Milan prins d’Aigle par embusches deceus
Muraille antique par canons enfoncee,
Par feu & sang à mercy peu receus.

Q.38
La [gens][gent] Gauloise & nation estrange,
Outre les [motns][monts], morts, prins & [profugez][profligez]:
Au [moins][mois] contraire & proche de vendange,
[Paules][Par les] Seigneurs en accord redigez.

Q.39
Les sept en trois [moins][mois] en concorde,
Pour subiuguer des Alpes Apennines:
Mais la tempeste & [Ligure][Lycurge] coüarde,
Les profligent en subites ruines.

Q.40
Le grand theatre se viendra redresser,
Les dez iettez & les rets ja tendus:
Trop le premier en glaz viendra lasser,
[Pars][Par] arcs prostrais de long temps ja fendus.

Q.41
Bossu sera esleu par le conseil.
Plus hideux monstre en terre n’apperceu,
Le coup voulant creuera l’oeil,
Le traistre au Roy pour fidelle receu.

Q.42
L’enfant naistra à deux dents en la gorge,
Pierres en Tuscie par pluye tomberont:
Peu d’ans apres ne sera bled ny orge,
Pour saouler ceux qui de faim failliront.

Q.43
Gens d’alentour de [Tain][Tarn] Loth, & Garonne
[Grandez][Gardez] les monts Apenines passer:
Vostre tombeau pres de Rome & d’Anconne,
Le noir poil crespe fera [trophe][trophée] dresser:

Q.44
Quand l’animal à l’homme domestique,
Apres grands peines & sauts viendra parler,
Le foudre à vierge sera si malefique,
De terre prinse & suspendue en l’air.

Q.45
Les cinq estranges entrez dedans le temple.
Leur sang viendra la terre prophaner.
Aux Tholosains sera bien dur exemple,
D’vn qui viendra ses lois exterminer.

Q.46
Le ciel (de [Plencus][Plancus] la cité) nous presage,
Par clers insignes & par estoilles fixes,
Que de son change subit s’approche l’aage,
Ne pour son bien, ne pour ses malefices.

Q.47
Le vieux monarque dechassé de son regne
Aux Oriens son secours ira querre:
Pour [peut][peur] des croix ployera son enseigne,
En Mytilene ira par port & par terre.

Q.48
Sept cens captifs attachez rudement,
Pour la moitié meurtrir, donné le sort:
Le proche espoir [vindra][viendra] si promptement
Mais non si tost qu’vne quinziesme mort.

Q.49
Regne Gaulois tu seras bien changé,
En lieu estrange est translaté l’empire:
En autres moeurs & loix seras rangé,
Rouan, & Chartres te feront bien du pire.

Q.50
La republique de la grande cité,
A grand rigueur ne voudra consentir:
Roy sortir hors par trompette cité,
L’eschelle au mur la cité repentir.

Q.51
Paris coniure vn grand meurtre commetre
Blois le fera sortir en plain effect:
Ceux d’Orleans voudront leur chef remettre
Angers, Troye, Langres leur feront vn meffait.

Q.52
En la [champagne][Campaigne] sera si longue pluye,
Et en la Poüille si grande siccité
Coq verra l’Aigle, l'[aisse][oesle] mal accomplie,
Par Lyon mise sera en extremité.

Q.53
Quand le plus grand emportera le pris
De Nuremberg d’Augbourg, & ceuz de Basle,
Par [Agippine][Agrippine] chef Frankfort repris
Trauerseront par Flamant iusques en Gale.

Q.54
L’vn des [grands][plus grans] fuira aux Espagnes
Qu’en longue playe apres viendra saigner:
Passant copies par les hautes montaines,
Deuastant tout, & puis en paix regner.

Q.55
En l’an qu’vn oeil en France regnera,
La court sera en vn bien fascheux trouble:
Le grand de Blois [sont][son] amy tuera
Le regne mis en mal & doute double.

Q.56
Montaubant, Nismes, Auignon & Besier,
Peste, tonnerre, & gresle à fin de Mars:
De Paris [Pont][pont], Lyon mur, Montpellier,
Depuis six cens & sept vingts trois pars.

Q.57
Sept fois changer verrez gent Britanique,
Taints en sang en deux cens nonante an
Franche non point par appuy Germanique
Aries doubte son pole Bastarnan.

Q.58
Aupres du Rhin des montaignes Noriques
Naistra vn grand de gens trop [trard][tard] venu,
Qui defendra Saurome & Pannoniques,
Qu’on ne sçaura qu’il sera deuenu.

Q.59
Barbare empire par le tiers vsurpé,
La plus grand part de son sang mettra à mort:
Par mort senile par luy le quart frappé,
Pour peur que sang par le sang ne soit mort.

Q.60
Par toute Asie grande proscription,
Mesme en Mysie, Lysie, & Pamphilie.
Sang versera par absolution,
D’vn ieune noir remply de felonnie.

Q.61
La grande bande & secte crucigere,
Se dressera en Mesopotamie:
Du proche fleuue compagnie legere,
Que telle loy tiendra pour ennemie.

Q.62
Proche del duero par mer Cyrrene close,
Viendra [perser][percer] les grands monts Pyrenees
La main plus courte & sa [perce glose][percée gloze],
A Carcassonne conduira [les][ses] menees.

Q.63
Romain pouuoir sera du tout à bas:
Son grand voisin imiter les vestiges:
Occultes haines ciuiles & debats,
Retarderont [au][aux] bouffons leurs folies.

Q.64
Le chef de Perse remplira grande Olchade,
Classe [Triteme][Trireme] contre gens Mahometiques:
De Parthe, & Mede, & piller les Cyclades.
Repos long temps au grand port Ionique.

Q.65
Quand le sepulchre du grand Romain trouué
Le iour apres sera esleu Pontife:
Du Senat gueres il ne sera prouué
[Empoisonne,][Empoisonné] son sang au sacré scyphe.

Q.66
Le grand [Balif][Baillif] d’Orleans mis à mort
Sera par vn de sang vindicatif:
De mort merite ne [montra][mourra] ne par sort
Des pieds & mains mal le faisoit captif.

Q.67
Vne nouuelle secte de Philosophes,
Mesprisant mort, or, honneurs & richesses:
Des monts [Germanins][Germains] ne seront limitrophes,
A les ensuyure auront appuy & presses.

Q.68
Peuple sans chef d’Espaigne [][et] d’Italie,
Mors, profliges dedans le Cherronesse
Leur dict trahy par legere folie,
Le sang nager par tout à la traverse.

Q.69
Grand [exercise][exercite] conduit par iouuenceau,
Se viendra rendre aux mains des ennemis
Mais le vieillard nay au demy pourceau,
Fera Chalon & Mascon estre [amis][admis].

Q.70
La grand Bretaigne comprinse [d’][l’]Angletterre,
Viendra par eaux si haut à inonder
La Ligue neuue d’ausonne fera guerre,
Que contre eux ils se viendront bander.

Q.71
Ceux dans les isles de long temps assiegez,
Prendront vigueur force contre ennemis:
Ceux par dehors morts de faim profligez,
En plus grand faim que iamais seront mis.

Q.72
Le bon vieillard tout vif enseuely,
Pres du grand fleuue par fausse soupçon:
Le nouueau vieux de richesse ennobly,
Prins à chemin tout l’or de la rançon.

Q.73
Quand dans le regne paruiendra le boiteux,
Competiteur aura proche bastard:
Luy & le regne viendront si fort roigneux,
Qu’ains qu’il guerisse son faict sera bien tard.

Q.74
Naples, Florence, Fauence, & Imole,
Seront en termes de telle facherie,
Que pour complaire aux malheureux de Nolle
Plainct d’auoir faict à son chef moquerie.

Q.75
Pau, Verone, [Vicenne][Vicence] Sarragousse,
De glaiues loings, terroirs de sang humides
Peste si grande viendra à la grand gousse,
Proche secours, & bien loing les remedes.

Q.76
En Germanie naistront diuerses sectes,
S’approchant fort de l’heureux paganisme,
Le coeur captif & petites receptes,
Feront retour à payer le vray disme.

Q.77
Le tiers climat sous Aries comprins
L’an mil sept cens vingt & sept en Octobre,
Le Roy de Perse par [][ceux] d’Egypte prins
Conflit mort, perte: à la croix grand opprobre.

Q.78
Le chef d’Escosse, auec six d’Allemagne
Par gens de mer [Orient aux][Orientaux] captif:
Trauerseront le Calpre & Espagne,
Present en Perse au nouueau Roy craintif

Q.79
L’ordre fatal sempiternel par chaisne,
Viendra tourner par [orpte][ordre] consequent:
Du port Phocen sera rompue la chaisne,
La cité prinse, l’ennemy quant & quant.

Q.80
Du regne Anglois [le digne][l’indigne] dechassé,
Le conseiller par ire mis à feu
Ses adherans iront si bas tracer,
Que le bastard sera demy receu.

Q.81
Le grand criard sans honte audacieux,
Sera esleu gouuerneur de l’armee:
La hardiesse de son [contenteur][contentieux]
Le pont rompu, cité de [pur][peur] pasmee.

Q.82
[Ereins][Freins], Antibor, villes autour de Nice,
Seront gastees fort par mer & par terre:
Les sauterelles terre & mer vent propice,
Prins morts trousses, pilles sans loy de guerre:

Q.83
Les longs cheueux de la Gaule Celtique,
Accompagnes d’estranges nations,
Mettront captif la gent aquitanique,
Pour succomber à [leurs intentions][internitions].

Q.84
La grande cité sera bien desolee,
Des habitans vn seul n’y demeurera
Mur, sexe, temple & vierge violee,
Par fer, feu, peste canon peuple mourra.

Q.85
La cité prinse par tromperie & fraude,
Par le moyen d’vn beau ieune attrapé.
Assaut donné Raubine pres de LAVDE,
Luy & touts morts pour auoir bien trompé.

Q.86
Vn chef d’Ausonne aux Espaignes ira
Par mer fera arrest dedans Marseille:
Auant sa mort vn long temps languira
Apres sa mort on verra grand merueille.

Q.87
Classe Gauloisse n’approche de Corsegue,
Moins de Sardaigne, tu t’en repentiras:
Trestous mourrez frustrez de l’aide grogne.
Sang nagera captif ne me croiras.

Q.88
De Barselonne par mer si grand’ armee,
Toute Marseille de frayeur tremblera.
Isles saisies de mer ayde fermee,
Ton traditeur en terre nagera.

Q.89
En ce temps la sera frustree Cypres.
De son secours de ceux de mer Egee:
Vieux trucidez, mais par mesles & lyphres
Seduict leur Roy, Royne[,][] plus outragee.

Q.90
Le grand Satyre & Tigre d’Hyrcanie.
[Dont][Don] presenté à ceux de l’Occean:
Vn chef [][de] classe istra de Carmanie,
Qui prendra [texte][terre] au Tyrren Phocean.

Q.91
L’arbre qu’estoit par long temps mort seché,
Dans vne nuict viendra à reuerdir:
[Coron][Cron] Roy malade, Prince pied estaché,
Criant d’ennemis fera voile bondir.

Q.92
Le monde proche du dernier periode
Saturne encor tard sera de retour:
Tanslat empire deuers nation Brodde,
L’oeil arraché à Narbon par Autour.

Q.93
Dans Auignon tout le chef de l’empire
Fera arrest pour Paris desolé:
Tricast tiendra l’Annibalique ire,
Lyon par change sera mal consolé.

Q.94
De cinq cens ans plus compte [lon][l’on] tiendra,
Celuy qu’estoit l’ornement de son temps:
Puis à vn coup grande clarté donra,
Qui par ce siecle les rendra trescontens.

Q.95
La loy Moricque on verra deffaillir.
Apres vne autre beaucoup plus seductiue:
Boristhenes premier viendra faillir.
Par dons & langue vne plus attractiue.

Q.96
Chef de Fossan aura gorge couppee,
Par le ducteur du limier & leurier:
Le faict [][patré] par ceux du mont Tarpee,
en Leo 13. de Feurier.

Q.97
Nouuelle loy terre neuue occuper,
Vers la Syrie, Iudée & Palestine:
Le grand empire barbare corruer,
Auant que Phebés son siecle determine.

Q.98
Deux royals freres si fort guerroyeront
Qu’entre eux sera la guerre si mortelle:
Qu’vn chacun places fortes occuperons,
De regne & vie sera leur grand querelle.

Q.99
Aux champs herbeux d’Alein & du Varneigne,
Du mont Lebron proche de la Durance,
Camps de deux parts conflict sera si aigre,
[Mesopotasie][Mesopotamie] defaillira en la France.

Q.100
Entre Gaulois le dernier honnoré,
D’homme ennemy sera victorieux:
Force & terroir en [nomment][moment] exploré,
D’vn coup de traict quand moura l’enuieux.

Centurie IV

Q.1

CELA du reste de sang non espandu,
Venise quiert secours estre donné.
Apres auoir bien [loing têps][long têps] attendu,
Cité liuree au premier cornet sonné.

Q.2
Par mort la France prendra voyage à faire,
Classe par mer, marcher monts Pyrenees.
Espaigne en trouble, marcher gent militaire:
Des plus grands Dames en France emmenees.

Q.3
D’Arras & Bourges, de Brodes grans enseignes,
Vn plus grand nombre de Gascons battre à pied,
Ceux long du Rosne saigneront les Espaignes:
Proche du mont où Sagonte s’assied.

Q.4
L’impotent prince faché plaincts & querelles,
De rapts & pillé, par [coqz][coq] & par Libiques:
Grands est par terre par mer infinies voilles,
Seule Italie sera chassant Celtiques.

Q.5
Croix, paix, soubs vn accomply diuin verbe,
L’Espaigne & Gaule seront vnis ensemble:
Grand clade proche, & combat tres accerbe,
Coeur si hardy ne sera qui ne tremble.

Q.6
D’habits nouueaux apres faicte la treuue,
Malice tramme & machination:
Premier mourra qui en fera la preuue,
Couleur venise insidiation.

Q.7
Le mineur fils du grand & hay Prince,
De lepre aura à vingt ans grande tache,
De dueil sa mere mourra bien triste & mince,
Et il mourra là où tombe cher lache.

Q.8
La grand cité d’assaut prompt & repentin,
Surprins de nuict, gardes interrompus:
Les excubies & veilles sainct Quintin,
Trucidez gardes & les portails rompus.

Q.9
Le chef du camp au milieu de la presse:
D’vn coup de fleche sera blessé aux cuisses,
Lors que Geneue en larmes & detresse,
Sera trahie par Lauzan, & Souysses.

Q.10
Le ieune Prince accusé faussement,
Mettra en trouble le camp & en querelles:
Meurtry le chef pour le soustenement,
Sceptre appaiser: puis guerir escroüelles.

Q.11
Celuy qu’aura gouuert de la grand cappe,
Sera induict à [quelques][quelque] cas patrer:
Les douze rouges viendront soüiller la [nappa][nappe],
Soubz meurtre, meurtre se viendra perpetrer.

Q.12
Le [champ][camp] plus grand de route mis en fuite,
Guaires plus outre ne sera pourchassé:
Ost recampé & legion reduicte,
Puis hors des Gaules du tout sera chassé

Q.13
De plus grand perte nouuelles rapportees,
Le raport [][fait,] le camp s’estournera[.][:]
[Ban les][Bandes] vnies encontre reuoltees,
Double phalange [quand][grand] abandonnera.

Q.14
La mort subite du premier personnage
Aura changé & mis vn autre au regne:
Tost, tard venu à si haut & bas aage,
Que terre & mer faudra que on le craigne.

Q.15
D’où pensera faire venir famine,
De là viendra [se][le] rassasiement:
L’oeil de la mer par auare canine
Pour de l’vn l’autre donra huyle, froment.

Q.16
La cité franche de liberté fait serue.
Des profligez & resueurs faict asyle.
Le Roy changé à eux non si proterue:
De cent seront deuenus plus de mille.

Q.17
Changer à [Banne][Beaune], Nuy, Chalons, & Dijon,
Le duc voulant amander la Barree
Marchât pres fleuue, poisson, bec de plongeon
Verra la queüe: porte sera serree.

Q.18
Des plus lettrez dessus les faits celestes
Seront par princes ignorans reprouuez:
Punis d’Edit, chassez, comme scelestes,
Et mis à mort là où seront trouuez.

Q.19
Deuant Roüan d’Insubres mis le siege,
Par terre & mer enfermez les passages:
D’haynaut, & Flâdres de Gâd & ceux de Liege,
Par dons laenees rauiront les riuages.

Q.20
Paix vberté long temps lieu loüera:
Par tout son regne [de sert][desert] la fleur de lys:
Corps morts d’eau, terre là l’on aportera,
Sperans vain heur d’estre là enseuelis.

Q.21
Le changement sera fort difficile,
Cité, prouince au change gain fera:
Coeur haut, prudent mis, chassé luy habile,
Mer, terre, peuple son estat changera.

Q.22
La grand copie qui sera deschassee,
Dans vn moment fera besoing au Roy.
La foy promise de loing sera faussee,
Nud se verra en piteux desarroy.

Q.23
La legion dans la marine classe,
Calcine, Magnes soulphre, & poix bruslera:
Le long repos de l’asseuree place,
Port Selyn, Hercle feu les consumera.

Q.24
Ouy soubs terre saincte Dame voix fainte,
Humaine flamme pour diuine voir luire:
Fera des seuls de leur sang terre tainte,
Et les saincts temples pour les impurs destruire.

Q.25
Corps sublimes sans fin à l’oeil visibles,
[Ob nubiler][Obnubiler] viendront par ces raisons:
Corps, front comprins, sens [chefs][chief] & inuisibles,
Diminuant les sacrees oraisons.

Q.26
Lou grand eyssame se leuera d’abelhos,
Que non [salutan][sauran] don te siegen venguddos.
[Denuech l’êbousq,][De nuech, l’embousque.] lou gach dessous [les][las] treilhos
Ciutad trahido per cinq lengos non nudos.

Q.27
Salon, Mansol, Tarascon de SEX, l'[are][arc],
Où est debout encor la piramide:
Viendront liurer le Prince Dannemarc,
Rachat honny au temple d’Artemide.

Q.28
Lors que Venus du Sol sera couuert,
Soubs l’esplendeur sera forme occulte:
Mercure au feu les aura descouuert,
Par bruit bellique sera mis à l’insulte.

Q.29
Le Sol caché eclipse par Mercure,
Ne sera mis que pour le ciel second:
De Vulcan Hermes sera faicte pasture,
Sol sera veu [peur][pur], rutiland & blond.

Q.30
Plus [unze][onze] fois Luna Sol ne vouldra,
Tous augmenté & baissez de degrez:
Et si bas mis que [peu][pur] or on coudra,
Qu’apres faim peste, descouuert le secret.

Q.31
La Lune au plain de nuict sur le haut mont,
Le nouueau sophe d’vn seul cerueau [la][l’a] veu:
Par ses disciples estre immortel semond,
Yeux au mydi, en seins mains corps au feu.

Q.32
Es lieux & temps chair [ou][au] poisson donra lieu,
La loy commune sera faicte au contraire:
Vieux tiendra fort puis osté du milieu,
Le Panta chiona philon mis fort arriere.

Q.33
Iupiter ioinct plus Venus qu’à la Lune,
Apparoissant de plenitude blanche:
Venus cachee sous la blancheur Neptune
De Mars frappee [&][] par la grauee blanche.

Q.34
Le grand mené captif d’estrange terre,
D’or enchainé au Roy Chyren offert:
Qui dans Ausone, Milan perdra la guerre,
Et tout son ost mis à feu & à fer.

Q.35
Le feu esteint les vierges trahiront
La plus grand part de la bande nouuelle:
Foudre à fer, lance les [sels Roy][seuls Roys] garderont
Etrusque & Corse, de nuict gorge allumelle.

Q.36
Les [ieux][yeux] nouueaux en Gaule redressez,
Apres victoire de l’Insubre champaigne:
Monts d’Esperie, les grands liez, troussez:
De peur trembler la Romaigne & l’Espaigne.

Q.37
Gaulois par sauts, monts viendra penetrer:
Occupera le grand lieu de l’Insubre:
Au plus profond son ost fera entrer,
Gennes, Monech [pousseront][repousseront] classe rubre.

Q.38
Pendant que Duc, Roy, Royne occupera,
Chef Bizant du captif en Samothrace:
Auant l'[assauit][assault] l’un l’autre mangera,
Rebours ferré suyura du sang la trace.

Q.39
Les Rhodiens demanderont secours,
Par le [neglet][neglect] de ses hoirs delaissee.
L’empire Arabe [reuelera][revalera] son cours,
Par Hesperies la cause redressee.

Q.40
Les forteresses des assiegez serrez,
Par poudre à feu profondez en abysmes
Les proditeurs seront tous vifs serrez,
Onc aux sacristes n’aduint si piteux scisme.

Q.41
Gymnique sexe captiue par hostage,
Viendra de nuit custodes deceuoir:
Le chef du camp deçeu par son langage,
Lairra à la gente, fera piteux à voir.

Q.42
Geneue & Lâgres par ceux de Chartres & Dole,
Et par Grenoble captif au Montlimard:
Seysset, Lausanne, par fraudulente dole,
Les trahiront par or soixante marc.

Q.43
Seront ouye au ciel [][les] armes battre,
Celuy au mesme les diuins ennemis:
Voudront loix sainctes iniustement debatre:
Par foudre & guerre bien croyans à mort mis.

Q.44
Deux gros de Mende, de Roudés & Milhau.
Cahours, Lymoges, Castres malo sepmano
De nuech l’intrado, de Bourdeaux vn cailhau,
Par Perigort au toc de la campano.

Q.45
Par conflict Roy, regne abandonnera,
Le plus grand chef faillira au besoing,
Mors profligez peu en reschapera,
Tous destranchés, vn en sera tesmoing.

Q.46
Bien deffendu le faict par excellence,
Garde toy Tours de ta proche ruine:
Londres & Nantes par Reims fera deffense
Ne passe outre au temps de la bruine.

Q.47
Le noir farouche quand aura essayé
Sa main sanguine par teu, fer arcs tendus,
Trestous le peuple sera tant effrayé,
Voir les plus grans par col & pieds pendus.

Q.48
Planure Ausonne fertile, spacieuse,
Produira taons si tant de sauterelles:
Clarté solaire deuiendra nubileuse,
Ronger le tout, grand peste venir d’elles.

Q.49
Deuant le peuple sang sera respandu,
Que du haut ciel [][ne] viendra esloigner.
Mais d’vn long temps ne sera entendu,
L’esprit d’vn seul le viendra tesmoigner.

Q.50
Libra verra regner les Hesperies,
[De][Du] ciel & [][terre] tenir la monarchie:
D’Asie forces nul ne verra peries,
Que sept ne tiennent par rang la hierarchie.

Q.51
Vn Duc cupide son ennemy ensuyure,
Dans entrera empeschant la phalange,
Hastez à pied si pres viendront poursuyure,
Que la iournee [conflite][conflict] pres de Gange.

Q.52
En cité obsesse aux murs hommes & femmes.
Ennemis hors le chef prest à soy rendre:
Vent sera fort [encore][encontre] les gendarmes.
Chassez seront par chaux, poussiere, & cendre.

Q.53
Les fugitifs & bannis reuoquez,
Peres & fils grand garnissant les hauts [puis][puits]
Le cruel pere & les siens souffoquez,
Son fils [][plus] pire submergé dans le puits.

Q.54
Du nom qui onque ne fut au Roy Gaulois
Iamais ne fut vn foudre si craintif.
Tremblant l’Italie, l’Espagne & les Anglois,
De femme estrangiers grandement attentif

Q.55
Quand la corneille sur tout de brique ioincte,
Durant sept heures ne fera que crier:
Mort presagee de sang statue taincte,
Tyran meurtri, aux Dieux peuple prier.

Q.56
Apres victoire de rabieuse langue,
L’esprit tempré en tranquil & repos:
Victeur sanguin par conflict faict harangue,
Roustir la langue & la chair & les os.

Q.57
Ignare enuie au grand Roy supportee,
Tiendras propos deffendre les escripts.
Sa femme non femme par vn autre tentee,
Plus double deux ne fort ne criz.

Q.58
Soloeil ardent dans le grosier coller,
De sang humain arrouser terre Etrusque:
Chef seille d’eau, mener son fils filer,
Captiue dame conduicte terre Turque.

Q.59
Deux assiegez en ardente ferueur:
Ce soif estaincts pour deux plaines tasses
Le fort limé, & vn vieillart resueur,
Aux Genevois de Nira monstra trasse.

Q.60
Les sept enfans en hostaine laissez,
Le tiers viendra son enfant trucider:
Deux par son fils seront d’estoc percez.
Genues, Florence, les viendra enconder.

Q.61
Le vieux mocqué priué de sa place,
l’estranger qui le subornera:
Mains de son fils mangees deuant sa face,
Le frere à Chartres, Orl Roüan trahira.

Q.62
Vn coronel machine ambition,
Se saisira de la grande armee,
Contre son Prince fainte inuention,
Et descouuert sera soubs sa ramee.

Q.63
L’armee Celtique contre les montaignars,
Qui seront sçeuz & prins à la pipee:
Paysans frez pouseront rost faugnars,
Precipitez tous au fils de l’espee.

Q.64
Le deffaillant en habit de bourgeois,
Viendra le Roy tenter de son offense:
Quinze soldats la pluspart Vstagois,
Vie derniere & chef de sa cheuance.

Q.65
Au deserteur de la grande fortresse,
Apres qu’aura son lieu abandonné,
Son aduersaire fera grand proüesse,
L’empereur tost mort sera condamné.

Q.66
Sous couleur fainte de sept testes [rasces][rasées],
Seront semez diuers explorateurs:
Puys & fontaines de poisons arrousees,
Au fort de Gennes humains deuorateurs.

Q.67
[Lors][L’an] que Saturne & Mars esgaux combust,
L’air fort seiché longue traiection:
Par feux secrets, d’ardeur grand lieu adust,
Peu pluye, vent chaut, guerres, incursions.

Q.68
[En lieu][L’an] bien proche non esloigné de Venus.
Les deux plus grands de l’Asie & d’Aphrique,
Du Ryn & Hister qu’on dira sont venus,
Cris pleurs à Malte & costé Ligustique.

Q.69
La cité grande les exilez tiendront,
Les citadins morts, meurtris & chassez:
Ceux d’Aquilee à Parme promettront,
Monstrer l’entree par les lieux non trassez.

Q.70
Bien contigue des grands monts Pyrenees,
Vn contre l’Aigle grand copie addresser:
Ouuertes veines, forces exterminees,
Que iusqu’à [Paulle][Pau le] chef viendra chasser.

Q.71
En lieu d’espouse les filles trucidees,
Meurtre à grand faute ne [fera][sera] superstile:
Dedans [se][le] puys [vestu les][vestules] inondees,
L’espouse estainte par [haute][hauste] d’Aconile.

Q.72
Les [Attomiques][Artomiques] par Agen & l’Estore,
A sainct Felix feront leur parlement:
Ceux de Basas viendront à la mal’ heure,
Saisir Condon & Marsan promptement.

Q.73
Le nepueu grand par force prouuera
Le pache fait du coeur pusillanime:
Ferrare & Ast le Duc esprouuera,
Par lors qu’au soir sera le pantomime

Q.74
4 Du lac Leman & ceux de Brannonices:
Tous assemblez contre ceux d’Aquitaine:
Germains beaucoup encore plus Souisses,
Seront desfaicts auec ceux d’Humaine.

Q.75
Prest à combattre fera defection,
Chef aduersaire obtiendra la victoire:
L’arriere garde fera defension.
Les defaillans mort au blanc territoire.

Q.76
Les [Nibobriges][Nictobriges] par eeux de Perigort,
Seront vexez, tenant iusques au Rosne:
L’associé de Gascons & Begorne,
Trahir le temple, le prestre estant au prosne:

Q.77
Selin monarque l’Italie pacifique,
Regnes vnis par Roy Chrestien du monde:
Mourant voudra coucher en terre blesique,
Apres pyrates auoir chassé de l’onde.

Q.78
La grand’ armee de la pugne ciuile,
Pour de nuict Parme à l’estrange trouuee,
Septante neuf meurtris dedans la ville,
Les estrangers passez [tout][tous] à l’espee.

Q.79
Sang Royal fuis, Monhuit, Mas, Esguillon,
Remplis seront de Bourdelois les Landes,
Nauuarre, Bygorre poinctes & eguillons,
Profonds de faim vorer de Liege glandes.

Q.80
Pres du grand fleuue grand fosse terre egeste,
En quinze pars sera l’eau diuisee:
La cité prinse, feu, sang cris conflict mettre.
Et la pluspart concerne au collisee.

Q.81
Pont on fera promptement de nacelles,
Passer l’armee du grand Prince Belgique:
Dans profondez & non loing de Brucelles,
Outre passez, detranchez sept à picque.

Q.82
Amas s’approche venant d’Esclauonie,
L’Olestant vieux cité ruynera:
Fort desolee verra sa Romanie,
Puis la grande flamme esteindre ne sçaura.

Q.83
Combat nocturne le vaillant capitaine,
Vaincu fuyra peu de gens profligé:
Son peuple esmeu, sedition non vaine.
Son propre fils le tiendra assiegé.

Q.84
Vn grand d’Auxerre mourra bien miserable.
Chassé de ceux qui sous luy ont esté:
Serré de chaines, apres d’vn rude cable,
En l’an que Mars, Venus & Sol mis en esté.

Q.85
Le charbon blanc du noir sera chassé,
Prisonnier faict mené au tombereau,
More Chameau sur pieds entrelassez,
Lors le puisné [sillera][fillera] l’aubereau.

Q.86
L’an que Saturne en eau sera conioinct,
Avecques Sol, le Roy fort [][et] puissant,
A Reims & Aix sera receu & oingt,
Apres conquestes meurtrira innocens.

Q.87
Vn fils du Roy tant de langues apprins,
A son aisné au regne different:
Son pere beau au plus grand fils comprins,
Fera perir principal adherant.

Q.88
.Le grand Antoine [de][du] nom de faict sordide
De Phthyriaise à son dernier rongé:
Vn qui de plomb voudra estre cupide,
Passant le port d’esleu sera plongé.

Q.89
. Trente de Londres secret coniureront,
Contre leur Roy, sur le pont l’entreprise:
[Leuy][Luy], [satalites][satallites] [là][la] mort [de gousteront][degousteront],
Vn Roy [esleut][eseu] blonde, natif de Frize.

Q.90
.Les deux copies aux [mers][murs] ne pourrôt ioindre,
Dans cest instan trembler [Misan][Milan], Ticin:
Faim, soif, doutance si fort les viendra poindre
Chair, pain, ne viures n’auront vn seul boucin.

Q.91
. Au Duc Gaulois contrainct battre au duelle,
La nef Mellele monech n’approchera,
Tort accusé, prison perpetuelle,
Son fils regner auant mort taschera.

Q.92
. Teste tranchee du vaillant capitaine,
[Seza][Sera] iettee deuant son aduersaire:
Son corps pendu de la classe à l'[ancienne][antenne]
Confus fuira par rames à vent contraire.

Q.93
Vn serpent veu proche du lict royal,
Sera par dame nuict chiens n’abayeront:
Lors naistre en France vn Prince tant royal,
Du ciel venu tous les Princes verront.

Q.94
Deux grands freres seront chassez d’Espaigne,
L’aisne vaincu sous les mons Pyrenees:
Rougir mer, Rosne, sang Lemand d’Alemaigne,
Narbon, Blyterre, d'[Agth][Agath] contaminees.

Q.95
Le regne à deux [l’aissé][laissé] bien peu tiendront,
Trois ans sept mois passez feront la guere
Les deux Vestales contre rebelleront,
Victor puisnay en [Armenique][Armorique] terre

Q.96
La soeur aisnee de l’Isle Britannique
Quinze ans deuant le frere aura naissance,
Par son promis moyennant verrifique,
Succedera au regne de balance.

Q.97
L’an que Mercure, Mars, Venus retrograde,
Du grand Monarque la ligne ne faillir:
Esleu du peuple l’vsitant pres de [Gaudole][Gagdole].
Qu’en paix & regne viendra fort enuieillir.

Q.98
Les Albanois passeront dedans Rome,
Moyennan Langres demipler affublez.
Marquis & Duc ne pardonnes à homme,
Feu, sang, morbiles point d’eau faillir les bleds.

Q.99
[Laisné][L’aisné] vaillant de la fille du Roy,
Respoussera si profond les Celtiques,
Qu’il mettra foudres, combien en tel arroy
Peu & loing, puis profond és Hesperiques.

Q.100
[Du][De] feu celeste au Royal edifice.
Quand la lumiere de Mars defaillira,
Sept mois grand guerre, mort [gens][gent] de malefice
Roüan, Eureux au Roy ne faillira.

Centurie V

Q.1

Avant venuë de ruine Celtique,
Dedans le têple deux palementerôs
Poignard coeur, d’vn monté au coursier & picque,
Sans faire bruit le grand enterreront.

Q.2
Sept coniurez au banquet feront luire,
Contre les trois le fer hors de nauire
L’vn les deux classe au grand fera couduire,
Quand par le mal. Dernier au front luy tire.

Q.3
Le successeur de la Duché viendra.
Beaucoup plus outre que la mer de Tosquane
Gauloise branche la Florence tiendra,
Dans son giron d’accord nautique Rane.

Q.4
Le gros mastin de cité dechassé,
Sera fasché de l’estrange alliance,
Apres aux champs auoir le cerf chassé
Le loups & l’Ours se donront defiance.

Q.5
Soubs ombre feincte d’oster de seruitude,
Peuple & cité l’vsurpera luy-mesmes
Pire fera par fraux de ieune pute,
Liuré au champ lisant le faux poësme.

Q.6
Au Roy l’angur sur le chef la main mettre,
Viendra prier pour la paix Italique:
A la main gauche viendra changer le sceptre,
Du Roy viendra Empereur pacifique.

Q.7
Du Triumuir seront trouuez les os,
Cherchant profond thresor aenigmaique.
Ceux d’alentour ne seroit en repos.
Ce concauuer marbre & plomb metalique.

Q.8
Sera laissé feu vif, mort caché,
Dedans les globes horrible espouuantable.
De nuict à classe cité en poudre lasché,
La cité à feu, l’ennemy fauorable.

Q.9
Iusques au fond la grand arq moluë,
Par chef captif l’amy anticipé,
N’aistra de dame front, face cheuelue,
Lors par astuce Duc à mort atrapé.

Q.10
Vn chef Celtique dans le conflict blessé,
Aupres de caue voyant siens mort abbatre:
De sang & playes & d’ennemis pressé,
Et secours par incogneus de quatre.

Q.11
Mer par solaires seure ne passera,
Ceux de Venus tiendront toute l’Affrique:
Leur regne plus Saturne n’occupera,
Et changera la part Asiatique.

Q.12
Aupres du lac Leman sera conduite,
Par garse estrange cité voulant trahir:
Auant son meurtre à Ausborg la grand suitte,
Et ceux du Rhin la viendront inuahir.

Q.13
Par grand fureur le Roy Romain Belgique
Vexer voudra par phalange barbare:
Fureur grinssent, chassera gent Lybique
Depuis Pannons iusques Hercules la hare.

Q.14
Saturne & Mars en Leo Espaigne captiue,
Par chef Lybique au conflict attrapé,
Proche de Malthe, Herodde prinse viue,
Et Romain sceptre sera par Coq frappé.

Q.15
En nauigeant captif prins grand Pontife,
Grand apres faillir les clercs tumultuez:
Second esleu absent son bien debife,
Son fauory bastard à mort rué.

Q.16
A son haut pris plus la lerme sabee,
D’humaine chair par mort en cendre mettre,
A l’isle Pharos par Croissars pertubee,
Alors qu’a Rodes paroistra deux espectre.

Q.17
De nuict passant le Roy pres d’vne Androne,
Celuy de Cipres & principal guette.
Le Roy failly, la main fuit long du Rosne,
Les coniurez l’iron à mort mettre.

Q.18
De dueil mourra l’infelix profligé,
Celebrera son vitrix l’hecatombe:
Pristine loy, franc edit redigé,
Le mur & Prince au septiesme iour tombe.

Q.19
Le grand Royal d’or, d’airain augmenté,
Rompu la pache, par ieune ouuerte guerre:
Peuple affligé par vn chef lamenté,
De sang barbare sera couuerte terre.

Q.20
De là les Alpes grande amour passera,
Vn peu deuant naistre monstre vapin:
Prodigieux & subit tournera
Le grand Tosquan à son lieu plus propin.

Q.21
Par le trespas du Monarque Latin,
Ceux qu’il aura par regne secourus:
Le feu luira diuisé le butin.
La mort publique aux hardis incourus.

Q.22
Auant, qu’a Rome grand aye rendu l’ame
Effrayeur grande à l’armee estrangere
Par esquadrons l’embusche pres de Parme,
Puis les deux rouges ensemble feront chere.

Q.23
Les deux contens seront vnis ensemble,
Quand la pluspart à Mars seront conionict:
Le grand d’Affrique en effrayeur tremble,
DVVMVIRAT par la classe desioinct.

Q.24
Le regne & loy sous Venus esleué,
Saturne aura sus Iupiter empire
La loy & regne par le Soleil leué,
Par Saturnins endurera le pire.

Q.25
Le prince Arabe Mars Sol, Venus, Lyon
Regne d’Eglise par mer succombera:
Deuers la Perse bien pres d’vn million,
Bisance, Egypte ver. serp. inuadera.

Q.26
La gent esclaue par vn heur Martial,
Viendra en haut degré tant esslevee,
Changeront Prince, n’aistra vn prouincial,
Passer la mer copie aux monts leuee.

Q.27
Par feu & armes non loing de la marnegro,
Viendra de Perse occuper Trebisonde:
Trembler Pharos Methelin, Sol alegro,
De sang Arabe d’Adrio couuert onde.

Q.28
Le bras pendant à la iambe liee,
Visage pasle, au sein poignard caché,
Trois qui seront iurez de la meslee
Au grand de Genues sera le fer laschee.

Q.29
La liberté ne sera recouuree,
L’occupera noir, fier, vilain, inique,
Quand la matiere du pont sera ouuree,
D’Hister, Venise faschee la republique.

Q.30
Tout à l’entour de la grande cité,
Seront soldats logez par champs & villes.
Donner l’assaut Paris Rome incité
Sur le pont lors sera faicte, grand pille.

Q.31
Par terre Attique chef de la sapience,
Qui de present est la rose du monde:
Pour ruiné, & sa grande preeminence
Sera subdite & naufrage des ondes.

Q.32
Où tout bon est, tout bien Soleil & Lune
Est abondant, sa ruine s’approche.
Du ciel s’auance vaner ta fortune,
En mesme estat que la septiesme roche.

Q.33
Des principaux de cité rebellee
Qui tiendront fort pour liberté t’avoir.
Detrancher masles, infelice meslee,
Crys, heurlemens à Nantes piteux voir.

Q.34
. Du plus profond de l’Occident Anglois
Où est le chef de l’isle Britanique
Entrera classe dans Gyronne, par Blois
Par vin & tel, ceux cachez aux barriques.

Q.35
Par cité franche de la grand mer Seline
Qui porte encores à l’estomach la pierre,
Angloise classe viendra sous la bruine
Vn rameau prendre, du grand ouuerte guerre.

Q.36
De soeur le frere par simulte faintise
Viendra mesler rosee en myneral:
Sur la placente donne à veille tardiue,
Meurt le goustant sera simple & rural.

Q.37
Trois cens seront d’vn vouloir & accord,
Que pour venir au bout de leur attainte,
Vingt mois apres tous & record
Leur Roy trahy simulant haine fainte.

Q.38
Ce grand monarque qu’au mort succedera,
Donnera vie illicite lubrique,
Par nonchalance à tous concedera,
Qu’a la parfin faudra la loy Salique,

Q.39
Du vray rameau de fleur de lys issu
Mis & logé heritier d’Hetturie:
Son sang antique de longue main tissu,
Fera Florence florir en l’harmoirie.

Q.40
Le sang royal sera si tres meslé,
Contraints seront Gaulois de l’Hesperie:
On attendra que terme soit coulé,
Et que memoire de la voix soit petite.

Q.41
Nay sous les ombres & iournee nocturne,
Sera en regne & bonté souueraine:
Fera renaistre son sang de l’antique vrne,
Renouuellant siecle d’or pour l’airain.

Q.42
Mars esleué en son plus haut befroy,
Fera retraire les Allobrox de France:
La gent Lombarde fera si grand effroy,
A ceux de l’Aigle comprins sous la Balance.

Q.43
La grand’ ruine des sacrez ne s’eslongue,
Prouence, Naples, Scicille, Seez & Ponce,
En Germanie, au Rhin & la Cologne,
Vexez à mort par tous ceux de Magonce.

Q.44
Par mer le rouge sera prins de pyrates,
La paix sera par son moyen troublee:
L’ire & l’auare commettra par sainct acte,
Au grand Pontife sera l’armee doublee.

Q.45
Le grand Empire sera tost desolé
Et translaté pres d’arduenne silue:
Les deux bastards par l’aisné decollé,
Et regnera Aenodarb, nez de milue.

Q.46
Par chapeaux rouges querelles & nouueaux scismes
Quand on aura esleu le Sabinois:
On produira contre luy grands sophismes,
Et sera Rome lesee par Albanois.

Q.47
Le grand, Arabe marchera bien auant,
Trahy sera par les Bisantinois:
L’antique Rodes luy viendra audeuant,
Et plus grand mal par austre Pannonois.

Q.48
Apres la grande affliction du sceptre,
Deux ennemis par eux seront defaicts:
Classe Affrique aux Pannons viendra naistre,
Par mer terre seront horribles faicts.

Q.49
Nul de l’Espagne, mais de l’antique France
Ne sera esleu pour le trembant nacelle
A l’ennemy sera faicte fiance,
Qui dans son regne sera peste cruelle.

Q.50
L’an que les Freres du lys seront en aage,
L’vn d’eux tiendra la grande Romanie:
Trembler ses monts, ouuers Latin passage,
Fache macher contre fort d’Armenie.

Q.51
La gent de Dace, d’Angleterre, Polonne
Et de Boësme feront nouuelle ligue.
Pour passer outre d’Hercules la colonne,
Barcins, Tyrrens dresser cruelle brique.

Q.52
Vn Roy sera qui donra l’opposite.
Les exilz esleuez sur le regne:
De sang nager la gent caste hypolite,
Et florira long temps sous telle enseigne.

Q.53
La loy du Sol & Venus contendus
Appropriant l’esprit de prophetie:
Ne l’vn ne l’autre ne seront entendus,
Par sol tiendra la loy du grand Messie.

Q.54
Du pont Exine, & la grand Tartarie,
Vn Roy sera qui viendra voir la Gaule,
Transpercera Alane & l’Armenie,
Et dedans Bisance lairra sanglante gaule

Q.55
De la Felice Arabie contrade,
N’aistra puissant de loy Mahometique:
Vexer l’Espagne, conquester la Grenade,
Et plus par mer à la gent Lygustique.

Q.56
Par le trespas du tres-vieillard Pontife
Sera esleu Romain de bon aage,
Qui sera dict que le siege debiffe,
Et long tiendra & de picquant ouurage.

Q.57
Istra de mont Gaufier & Auentin,
Qui par le trou aduertira l’armee
Entre deux rocs sera prins le butin,
DE SEXT, mansol faillir la renommee.

Q.58
De l’aque duct d’Vticense Gardoing,
Par la forest mort inacessible,
Ennemy du pont sera tranché au poing
Le chef nemans qui tant sera terrible.

Q.59
Au chef Anglois à Nismes trop seiour,
Deuers l’Espagne au secours Aenobarbe
Plusieurs mourront par Mars ouuert ce iour,
Quand en Artois faillir estoille en barbe.

Q.60
Par teste rase viendra bien mal eslire,
Plus que sa charge ne porter passera.
Si grande fureur & rage fera dire,
Qu’à feu & sang tout sexe trenchera.

Q.61
L’enfant du grand n’estant à sa naissance,
Subiuguera les hauts monts Apennis:
Fera trembler tous ceux de la balance,
Et des monts feux iusques à Mont-senis.

Q.62
Sur les rochers sang on verra pleuuoir,
Sol Orient Saturne Occidental:
Pres d’Orgon guerre à Rome grand mal voir,
Nefs parfondrees, & prins Tridental.

Q.63
De vaine emprinse l’honneur indue plaincte,
Galliots errans par latins, froid, faim, vagues
Non loin du Tymbre de sang la terre taincte,
Et sur humaine seront diuerses plagues.

Q.64
Les assemblez par repos du grand nombre
Par terre & mer conseil contremandé:
Pres de l’Antonne Gennes, Nice de l’ombre
Par champs & villes le chef contrebandé.

Q.65
Subit venu l’effrayeur sera grande,
Des principaux de l’affaire cachez:
Et dame en brasse plus ne sera en veüe,
Ce peu à peu seront les grands fachez.

Q.66
Sous les antiques edifices vestaux,
Non esloignez d’aqueduct ruyne.
De Sol & lune sont les luisans metaux,
Ardente lampe, Traian d’or burine

Q.67
Quand chef Perouse n’osera sa tunique
Sans au couuert tout nud s’expolier:
Seront prins sept faict Aristocratique,
Le pere & fils mort par poincte au colier.

Q.68

Dans le Danube & du Rin viendra boire
Le grand Chameau, ne s’en repentira:
Trembler du Rosne, & plus fort ceux de Loire
Et pres des Alpes Coq le ruinera.

Q.69
Plus ne sera le grand en feux sommeil,
L’inquietude viendra prendre repos:
Dresser phalange d’or, azur & vermeil
Subiuger Afrique la ronger iusques os.

Q.70
Des regions subiectes à la Balance
Feront troubler les monts par grande guerre,
Captifs tout sexe deu & tout Bisance,
Qu’on criera à l’aube terre à terre.

Q.71
Par la fureur d’vn qui attendra l’eau,
Par la grand’rage tout l’exercice esmeu:
Chargé des nobles à dix sept barreaux,
Au long du Rosne tard messager venu.

Q.72
Pour le plaisir d’edict voluptueux,
On meslera la poison dans la foy:
Venus sera en cours si vertueux,
Qu’obfusquera Soleil tout à loy.

Q.73
Persecutee sera de Dieu l’Eglise,
Et les saincts Temples seront expoliez,
L’enfant la mere mettra nud en chemise,
Seront Arabes aux Pollons ralliez.

Q.74
De sang Troyen naistra coeur, Germanique
Qui deuiendra en si haute puissance:
Hors chassera estrange Arabique,
Tournant l’Eglise en pristine preeminence.

Q.75
Montera haut sur le bien plus à dextre,
Demourera assis sur la pierre quarree,
Vers le midy posé à sa senestre,
Baston tortu en main bouche serree.

Q.76
En lieu libre tendra son pauillon,
Et ne voudra en citez prendre place
Aix, Carpen l’isle volce, mont, Cauaillon,
Par tous ses lieux abolira la trasse.

Q.77
Tous les degrez d’honneur Ecclesiastique
Seront changez en dial quirinal:
En Martial quirinal flaminique,
Puis vn Roy de France le rendra vulcanal.

Q.78
Les deux vnis ne tiendront longuement,
Et dans treize ans au Barbare Strappe,
Aux deux costez feront tel perdement,
Qu’vn benira le Barque & sa cappe.

Q.79
Par sacree pompe viendra baisser les aisles,
Par la venue du grand legislateur:
Humble haussera, vexera les rebelles,
On Naistra sur terre aucun aemulateur.

Q.80
Logmion grande Bisance approchera.
Chassee sera la barbarique Ligue:
Des deux loix l’vne l’estinique laschera,
Barbare & franche en perpetuelle brigue.

Q.81
L’oiseau royal sur la cité solaire,
Sept moys deuant fera nocturne augure:
Mur d’Orient cherra tonnerre esclaire,
Sept iours aux portes les ennemis à l’heure.

Q.82
Au conclud pache hors la forteresse,
Ne sortira celuy en desespoir mis:
Quant ceux d’Arbois, de Langres, contre Bresse,
Auront mons Dolle bouscade d’ennemis.

Q.83
Ceux qui auront entreprins subuertir,
Nompareil regne, puissant & inuincible:
Feront par fraudes, nuicts trois aduertir,
Quand le plus grand à table lira Bible.

Q.84
Naistra du gouphre & cité immesuree,
Nay de parens obscurs & tenebreux:
Qui la puissance du grand Roy reueree,
Voudra destruire par Roüan & Eureux.

Q.85
Par les Sueues & lieux circonuoisins.
Seront en guerre pour cause des nuees.
Camp marins locustes & cousins,
Du Leman fautes seront bien desnuees.

Q.86
Par les deux testes, & trois bras separés,
La cité grande sera par eaux vexee:
Des grands d’entr’eux par exil esgarés,
Par teste perse Bisance fort pressee.

Q.87
L’an que Saturne hors de seruage,
Au franc terroir sera d’eau inundé:
De sang Troyen sera son mariage,
Et sera seur d’Espaignols circundé.

Q.88
Sur le sablon par vn hideux deluge,
Des autres mers trouué monstre marin:
Proche du lieu sera faicte vn refuge,
Venant Sauone esclaue de Turin.

Q.89
Dedans Hongrie par Boheme, Nauarre,
Et par banniere sainctes seditions:
Par fleurs de lys pays portant la barre,
Contre Orleans fera esmotions.

Q.90
Dans le cyclades, en printhe & larisse,
Dedans Sparte tout le Peloponnesse:
Si grand famine, peste par faux connisse,
Neuf mois tiendra & tout le cheronnesse.

Q.91
Au grand marché qu’on dict des mensongiers,
Du tout Torrent & champ Athenien:
Seront surprins par les cheuaux legiers,
Par Albanois Mars, Leo, Sat. vn versien.

Q.92
Apres le siege tenu dixscept ans,
Cinq changeront en tel reuolu terme:
Puis sera l’vn esleu de mesme temps,
Qui des Romains ne sera trop conforme.

Q.93
Soubs le terroir du rond globe lunaire,
Lors que sera dominateur Mercure:
L’isle d’Escosse fera vn luminaire,
Qui les Anglois mettra à deconfiture.

Q.94
Translatera en la grand Germanie,
Brabant & Flandres, Gand, Bruges, & Bolongne:
La trefue fainte le grand duc d’Armenie,
Assaillira Vienne & la Cologne.

Q.95
Nautique rame inuitera les vmbres,
Du grand Empire lors viendra conciter:
La mer Aegee des lignes les en combres
Empeschant l’onde Tirrenne defflottez.

Q.96
Sur le milieu du grand monde la rose,
Pour nouueaux faicts sang public espandu:
A dire vray on aura bouche close,
Lors au besoing viendra tard l’attendu.

Q.97
Le n’ay defforme par horreur suffoqué,
Dans la cité du grand Roy habitable:
L’edict seuere des captifs reuoqué,
Gresle & tonnerre, Condon inestimable

Q.98
A quarante huict degré climaterique,
A fin de Cancer si grande seicheresse:
Poisson en mer, fleuue: lac cuit hectique,
Bearn, Bigorre par feu ciel en detresse.

Q.99
Milan, Ferrare, Turin, & Aquilleye,
Capue, Brundis vexez per geut Celtique:
Par le Lyon & phalange aquilee
Quant Rome aura le chef vieux Britannique.

Q.100
Le boute feu par son feu attrapé,
Du feu du ciel à Calcas & Gominge:
Foix, Aux, Mazere, haut vieillart eschappé,
Par ceux de Hasse des Saxons & Turinge.

Centurie VI

Latin LEGIS CAUTIO CONTRA INEPTOS CRITICOS

Quid legent hosce versus mature censunto:
Prophanum vulgus et inscium ne attrectato:
Omnesque; Astrologi, Blenni, Barbari procul sunto,
Qui aliter facit, is rite sacer esto.

Q.1

Avtour des monts Pyrenees grans amas
De gent estrange secourir Roy nouueau:
Pres de Garonne du grand temple du Mas,
Vn Romain chef le craindra dedans l’eau.

Q.2
En l’an cinq cens octante plus & moins,
On attendra le siecle bien estrange:
En l’an sept cens, & trois cieux en tesmoings,
Que plusieurs regnes vn à cinq feront change.

Q.3
Fleuue qu’esprouue le nouueau nay de Celtique
Sera en grande de l’Empire discordes
Le ieune prince par gent ecclesiastique,
Ostera le sceptre coronal de concorde.

Q.4
La Celtiq fleuue changera de riuage,
Plus ne tiendra la cité d’Agripine:
Tout transmué hormis le vieil langage,
Saturne, Leo, Mars, Cancer en rapine.

Q.5
Si grand famine par vnde pestifere.
Par pluye longue le long du polle arctiques
Samatobryn cent lieux de l’hemisphere,
Viuront sans loy exempt de pollitique.

Q.6
Apparoistra vers le Septentrion
Non loing de Cancer l’estoille cheuelue:
Suze, Sienne, Boëce, Eretrion,
Mourra de Rome grand, la nuict disperue.

Q.7
Norneigre Dace, & l’Isle Britannique,
Par les vnis freres seront vexees:
Le chef Romain issu de sang Gallique
Et les copies aux forests repoussees.

Q.8
Ceux qui estoient en regne pour sçauoir,
Au Royal change deuiendront appouuris:
Vns exilez sans appuy or n’auoir,
Lettrez & lettres ne seront à grand pris.

Q.9
Aux sacrez temples seront faicts escandales,
Comptez seront par honneurs & loüanges:
D’vn que on graue d’argent d’or les medalles,
La fin sera en tourmens bien estranges.

Q.10
Vn peu de temps les temples des couleurs
De blanc & noir des deux entre meslee:
Rouges & iaunes leur embleront les leurs,
Sang, terre, peste, faim, feu d’eau affollee.

Q.11
Des sept rameaux à trois seront reduicts,
Les plus aisnez seront surprins par mort,
Fratricider les deux seront seduicts,
Les coniurez en dormans seront morts.

Q.12
Dresser copies pour monter à l’empire,
Du Vatican le sang Royal tiendra:
Flamans, Anglois, Espagne auec Aspire,
Contre l’Italie & France contiendra.

Q.13
Vn dubieux ne viendra loing du regne,
La plus grand part le voudra soustenir.
Vn Capitole ne voudra point qu’il regne,
Sa grande charge ne pourra maintenir.

Q.14
Loing de sa terre Roy perdra la bataille,
Prompt eschappé poursuiuy suiuant prins,
Ignare prins soubs la doree maille,
Soubs feinct habit, & l’ennemy surprins.

Q.15
Dessoubs la tombe sera trouué le Prince,
Qu’aura le pris par dessus Nuremberg:
L’espaignol Roy en capricorne mince,
Feinct & trahy par le grand Vvitemberg.

Q.16
Ce que rauy sera de ieune Milue,
Par les Normans de France & Picardie:
Les noirs du temple du lieu de Negrisilue
Feront aulberge & feu de Lombardie.

Q.17
Apres les limes bruslez le rasiniers,
Contrains seront changer habits divers:
Les Saturnins bruslez par les meusniers,
Hors la pluspart qui ne sera couuers.

Q.18
Par les Phisiques le grand Roy delaissé,
Par sort non art de l’Ebrieu est en vie,
Luy & son genre au regne haut poussé,
Grace donnee à gent qui Christ enuie.

Q.19
La vraye flamme engloutira la dame,
Qui voudra mettre les Innocens à feu:
Pres de l’assaut l’exercite s’enflamme,
Quant dans Seuille monstre en boeuf sera veu.

Q.20
L’vnion feincte sera peu de duree,
Des vn changez reformez la pluspart:
Dans les vaisseaux sera gent endurees,
Lors aura Rome vn nouueau Liepart.

Q.21
Quant ceux du polle arctic vnis ensemble,
Et Orient grand effrayeur & craints:
Esleu nouueau, soustenu le grand tremble,
Rodes, Bisence de sang Barbare teincte.

Q.22
Dedans la terre du grand temple celique,
Nepueu à Londre par paix feincte meurtry:
La barque alors deuiendra scimatique,
Liberté feincte sera au corn’ & cry.

Q.23
D’esprit de regne munismes descriés,
Et seront peuples esmeuz contre leur Roy,
Paix sainct nouueau, sainctes loix empirees,
Rapis onc fut en si tredur arroy.

Q.24
Mars & le scepte se trouuera conioinct,
Dessoubs Cancer calamiteuse guerre:
Vn peu apres sera nouueau Roy oingt,
Qui par long temps pacifiera la terre.

Q.25
Par Mars contraire sera la monarchie,
Du grand pescheur en trouble ruyneux;
Ieune noir rouge prendra la hirarchie,
Les proditeurs iront iour bruyneux.

Q.26
Quatre ans le siege quelque peu bien tiendra,
Vn suruiendra libidineux de vie:
Rauenne & Pyse, Veronne soustiendront,
Pour esleuer la croix de Pape enuie.

Q.27
Dedans les Isles de cinq fleuues à vn,
Par le croissant du grand Chyren Selin:
Par les bruynes de l’air fureur de l’vn,
Six eschapez cachez fardeaux de lyn.

Q.28
Le grand Celtique entrera dedans Rome,
Menant amas d’exilez & bannis:
Le grand Pasteur mettra à mort tout homme,
Qui pour le coq estoyent aux Alpes vnis.

Q.29
La vefue saincte entendant les nouuelles,
De ses rameaux mis en perplex & trouble:
Qui sera duict appaiser les querelles,
Par son pourchas de razes fera comble.

Q.30
Par l’apparence de faincte saincteté,
Sera trahy aux ennemis le siege.
Nuict qu’on cuidoit dormir en seureté,
Pres de Brabant marcheront ceux du Liege.

Q.31
Roy trouuera ce qu’il desiroit tant,
Quand le Prelat sera reprins à tort:
Responce au Duc le rendra mal content,
Qui dans Milan mettra plusieurs à mort.

Q.32
Par trahison de verges à mort battu,
Prins surmonté sera par son desordre:
Conseil friuole au grand captif sentu,
Nez par fureur quant Berlch viendra mordre.

Q.33
Sa main derniere par Alus sanguinaire,
Ne se pourra par la mer garentir:
Entre deux fleuues craindre main militaire,
Le noir l’ireux le fera repentir.

Q.34
De feu voulant la machination,
Viendra troubler au grand chef assieger:
Dedans sera telle sedition,
Qu’en desespoir seront les profligez.

Q.35
Pres de Rion, & proche à blanche laine,
Aries, Taurus, Cancer, Leo, la Vierge,
Mars, Iupiter, le Sol ardera grand plaine,
Bois & citez lettres cachez au cierge.

Q.36
Ne bien ne mal par bataille terrestre,
Ne paruiendra aux confins de Perouse,
Rebeller Pise, Florence voir mal estre,
Roy nuict blessé sur mulet à noire house.

Q.37
L’oeuure ancienne se paracheuera,
Du toict cherra sur le grand mal ruyne:
Innocent faict mort on accusera,
Nocent cache, taillis à la bruyne.

Q.38
Aux profligez de paix les ennemis,
Apres auoir l’Italie superee,
Noir sanguinaire, rouge. sera commis,
Feu, sang verser, eau de sang coloree.

Q.39
L’enfant du regne, par paternelle prinse
Expolier sera pour le deliurer:
Aupres du lac Trasimen l’axur prinse,
La troupe hostage par trop fort s’enyurer.

Q.40
Grand de Magonce pour grande soif esteindre,
Sera priué de sa grande dignité:
Ceux de Cologne si fort le viendront plaindre,
Que la grand groppe au Rhin sera ietté.

Q.41
Le second chef du regne d’Annemarc,
Par ceux de Frize & l’Isle Britannique,
Fera despendre plus de cent mille marc,
Vain exploicter voyage en Italique.

Q.42
A Logmyon sera laissé le regne,
Du grand Selin plus fera de faict:
Par les Itales estendra son enseigne,
Regi sera par prudent contrefaict.

Q.43
Long temps sera sans estre habitee,
Où Signe & Marne autour vient arrouser:
De la Tamise & martiaux tentee,
De ceux les gardes en cuidant repousser.

Q.44
De nuict par Nantes Lyris apparoistra,
Des arts marins susciteront la pluye:
Vrabiq goulfre, grande classe parfondra,
Vn monstre en Saxe naistra d’ours & truye.

Q.45
Le gouuerneur du regne bien sçauant,
Ne consentir voulant au faict Royal:
Mellile classe par le contraire vent
Le remettra à son plus desloyal.

Q.46
Vn iuste sera en exil renuoyé,
Par pestilence aux confins de Nonseggle,
Response au rouge le fera desuoyé,
Roy retirant à la Rame & à l’Aigle.

Q.47
Entre deux monts les deux grands assemblez.
Delaisseront leur simulté secrette:
Brucelle & Dolle par Langres accablez,
Pour à Malignes executeur leur peste.

Q.48
La saincteté trop feinte & seductiue,
Accompagné d’vne langue diserre:
La cité vieille, & Parme trop hastiue,
Florence & Sienne, rendront plus desertes.

Q.49
De la partie de Mammer grand Pontife,
Subiuguera les confins du Danube:
Chasser la croix, par fer raffé ne riffe,
Captifs, or, bague plus de cent mille rubes.

Q.50
Dedans le puys seront trouuez les os,
Sera l’inceste, commis par la maratre:
L’estat changé, on querra bruit & los,
Et aura Mars atrendant pour son astre.

Q.51
Peuple assemblé, voir nouueau expectacle.
Princes & Roys par plusieurs assistans,
Pilliers faillir, murs: mais comme miracle
Le Roy sauué & trente des instans.

Q.52
En lieu du grand qui sera condamné,
De prison hors, son amy en sa place:
L’espoir Troyen en six mois ioins, mort né,
Le Sol à l’vrne seront peins fleuue en glace.

Q.53
Le grand Prelat Celtique à Roy suspect,
De nuict par cours sortira hors de regne:
Par Duc fertile à son grand Roy Bretaine,
Bisance à Cypres & Tunes insuspect.

Q.54

Au poinct du iour au second chant du coq,
Ceux de Tunes, de Fez, & de Bugie,
Par les Arabes, captif le Roy Maroq,
L’an mil six cens & sept, de Liturgie.

Q.55
Au chalmé Duc en arrachant l’esponce,
Voile Arabesque voir, subit descouuerte:
Tripolis, Chio, & ceux de Trapesconce,
Duc prins, Marnegro & la cité deserté.

Q.56
La crainte armee de l’ennemy Narbon
Effrayera si fort les Hesperidues:
Parpignan vuide par l’aueugle d’arbon,
Lors Barcelon par mer donra les piques.

Q.57
Celui qu’estoit bien auant dans le regne,
Ayant chef rouge proche à hierarchie,
Aspre & cruel, & se fera tant craindre,
Succedera à sacré monarchie.

Q.58
Entre les deux monarques esloignez,
Lors que le Sol par Selin clair perduë,
Simulté grande entre deux indignez,
Qu’aux Isles & Sienne la liberte renduë.

Q.59
Dame en fureur par rage d’adultere,
Viendra à son Prince coniurer non de dire:
Mars bref cogneu sera la vitupere,
Que seront mis dixsept à martyre.

Q.60
Le Prince hors de son terroir Celtique
Sera trahy, deceu par interprete:
Roüant, Rochelle par ceux de l’Armorique
Au port de Blaue deceus par moyne & prestre.

Q.61
Le grand tappis plié ne monstrera,
Fors qu’à demy la pluspart de l’histoire:
Chassé du regne loing aspre apparoistra,
Qu’au faict bellique chacun le viendra croire.

Q.62
Trop tard tous deux les fleurs seront perdues,
Contre la loy serpent ne voudra faire:
Des ligueurs forces par gallots confondues,
Sauone, Albingue par monech grand martyre.

Q.63
La dame seule au regne demeuree.
D’vnic esteint premier au lict d’honneur:
Sept ans sera de douleur exploree,
Puis longue vie au regne par grand, heur.

Q.64
On ne tiendra pache aucune arresté,
Tous receuans iront par tromperie:
De paix & trefue, & terre & mer protesté.
Par barcelone classe prins d’industrie.

Q.65
Gris & bureau demie ouuerte guerre,
De nuict seront assaillis & pillez:
Le bureau prins passera par la serre,
Son temple ouuert, deux au plastre grillez.

Q.66
Au fondement de la nouuelle secte,
Seront les os du grand Romain trouuez,
Sepulchre en marbre apparoistra couuerte,
Terre trembler en Auril, mal enfoüetz.

Q.67
Au grand Empire paruiendra tout vn autre,
Bonté distant plus de felicité:
Regi par vn issu non loing du peautre,
Corruer regnes grande infelicité.

Q.68
Lors que soldats fureur seditieuse.
Contre leur chef feront de nuict fer luire:
Ennemy d’Albe soit par main furieuse,
Lors vexer, Rome, & principaux seduire.

Q.69
La pitié grande sera sans loing tarder,
Ceux qui dônoyent seront contraints de prêdre:
Nuds Affamez de froid, soif, soy bander,
Les monts passer commettant grand esclandre.

Q.70
Au chef du monde le grand Chyren sera,
Plus outre apres ayme, criant, redouté:
Son bruit & los les cieux surpassera,
Et du seul tiltre victeur fort contenté.

Q.71
Quand on viendra le grand Roy parenter
Auant qu’il ait du tout l’ame rendue:
On le verra bien tost apparenter,
Par Lyons, aigles, croix couronne venduë.

Q.72
Par fureur feinte d’esmotion diuine,
Sera la femme du grand fort violee:
Iuges voulans damner telle doctrine,
Victime au peuple ignorant immolee.

Q.73
En cité grande vn moyne & artisan,
Pres de la porte logez & aux murailles,
Contre Moderne secret, caue disant
Trahis pour faire sous couleur d’espousailles.

Q.74
La dechassee au regne tournera,
Ses ennemis trouuez des coniurez:
Plus que iamais son temps triomphera,
Trois & septante à mort trop asseurez.

Q.75
Le grand pillot par Roy sera mandé,
Laisser la classe pour plus haut lieu atteindre:
Sept ans apres sera contrebandé,
Barbare armee viendra Venise craindre.

Q.76
La cité antique d’antenoree forge,
Plus ne pouuant le tyran supporter
Le manche feinct au temple couper gorge,
Les siens le peuple à mort viendra bouter.

Q.77
Par la victoire du deceu fraudulente,
Deux classes vne, la reuolte Germanie,
Le chef meurtry & son fils dans la tente,
Florence, Imole pourchassez dans Romaine.

Q.78
Crier victoire du grand Selin croissant:
Par les Romains sera l’Aigle clamé,
Tiecin Millan et Genes y consent,
Puis par eux mesmes Basil grand reclamé.

Q.79
Pres de Tesin les habitans de Loire,
Garonne, Saone, Saine, Tain & Gironde,
Outre les monts dresseront promontoire.
Conflict donné Par granci, sumerge onde.

Q.80
De Fez le regne paruiendra à ceux d’Europe,
Feu leur cité & l’anne tranchera.
Le grand d’Asie terre & mer à grand troupe,
Que bleux, peres, croix, à mort dechassera.

Q.81
Pleurs cris & plaints heurlemens, effrayeur,
Coeur inhumain, cruel, Roy & transy.
Leman les Isles, de Gennes les maieurs,
Sang espacher, fromfaim à nul mercy.

Q.82
Par les deserts de lieu libre & farouche,
Viendra errer nepueu du grand Pontife:
Assommé à sept auecques lourde souche,
Par ceux qu’apres occuperont le Cyphe.

Q.83
Celuy qu’aura tant d’honneur & caresse.
A son entree de la Gaule Belgique.
Vn temps apres sera tant de rudesses,
Et sera contre à la fleur tant bellique.

Q.84
Celuy qu’en Sparte Claude ne peut regner,
Il fera tant par voye seductiue:
Que du court, long, le fera araigner,
Que contre Roy fera sa perspectiue.

Q.85
La grand’cité de Tharse par Gaulois.
Sera destruite, captifs tous à Turban:
Secours par mer au grand Portugalois,
Premier d’esté le iour du sacre Vrban.

Q.86
Le grand Prelat vn iour apres son songe,
Interpreté au rebours de son sens:
De la Gascogne luy suruiendra vn monge,
Qui fera eslire le grand prelat de Sens.

Q.87
L’election faicte dans Frankfort,
N’aura nul lieu, Milan s’opposera:
Le sien plus proche semblera si grand fort,
Qu’outre le Rhin és mareschs cassera.

Q.88
Vn regne grand demourra desolé,
Aupres de l’Hebro se feront assemblees:
Monts Pyrenees le rendront consolé,
Lors que dans May seront terres tremblees.

Q.89
Entre deux cymbes pieds & mains attachez,
De miel face oingt, & de laict substanté,
Guespes & mouchez, fitine amour fachez
Poccilateur faucer, Cyphe tenté.

Q.90
L’honnissement puant abominable
Apres le faict sera felicité
Grand excuse pour n’estre fauorable,
Qu’à paix Neptune ne sera incité.

Q.91
Du conducteur de la guerre nauale,
Rouge effrené, suere, horrible grippe,
Captif eschappé de l’aisné dans la baste:
Quand il naistra du grand vn fils Agrippé.

Q.92
Prince de beauté tant venuste,
Au chef menee, le second faict trahy.
La cité au glaiue de poudre, face aduste,
Par trop grand meurtre le chef du Roy hay.

Q.93
Prelat autre d’ambition trompé,
Rien ne sera que trop viendra cuider:
Ses messagers & luy bien attrapé,
Tout au rebours voit qui les bois fendroit.

Q.94
Vn Roy iré sera aux sedifragues,
Quand interdicts feront harnois de guerre:
La poison taincte au succre par les fragues
Par eaux meurtris, morts, disant serre serre.

Q.95
Par detracteur calomnie à puis nay,
Quand istront faicts enormes & martiaux:
La moindre part dubieuse à l’aisnay,
Et tost au regne seront faicts partiaux.

Q.96
Grande cité à soldats abandonnee,
On n’y eu mortel tumult si proche:
O qu’elle hideuse mortalité s’approche,
Fors vne offence n’y sera pardonnee.

Q.97
Cinq & quarante degrez ciel bruslera
Feu approcher de la grand cité neuue
Instant grand flamme esparse sautera
Quand on voudra des Normans faire preuue.

Q.98
Ruyné aux Volsques de peur si fort terribles
Leur grand cité taincte, faict pestilent:
Piller Sol, Lune & violer leurs temples:
Et les deux fleuues rougir de sang coulant.

Q.99
L’ennemy docte se trouuera confus.
Grand camp malade, & defaict par embusches,
Môts Pyrenees & Poenus luy serôt faicts refus,
Proche du fleuue descouurant antiques roches.

Q.100
Fille de l’Aure, asyle du mal sain,
Où iusqu’au ciel se void l’amphitheatre:
Prodige veu, ton mal est fort prochain,
Seras captiue, & des fois plus de quatre.

Centurie VII

Q.1

L’Arc du tresor par Achilles deceu
Aux procez sceu la quadrâgulaire:
Au faict Royal le cômêt sera sceu
Corps veu pêdu au veu du populaire.

Q.2
Par Mars ouuers Arles le donra guerre,
De nuict seront les soldats estonnez:
Noir, blanc à l’inde dissimulez en terre,
Sous la fainte ombre traistres verrez & sonnez.

Q.3
Apres de France la victoire nauale,
Les Barchinons, Saillimons, les Phocens.
Lierre d’or, l’enclume serré dedans la balle,
Ceux de Ptolon au fraud seront consens.

Q.4
Le Duc de Langres assiegé dedans Dole,
Accompagné d’Autun & Lyonnois:
Geneue, Ausbourg, ioinct ceux de Mirandole,
Passer les monts contre les Anconnois.

Q.5
Vin sur la table en sera respandu,
Le tiers, n’aura celle qu’il pretendoit:
Deux fois du noir de Parme descendu,
Perouse à Pize fera ce qu’il cuidoit.

Q.6
Naples Palerne, & toute la Sicille,
Par main Barbare sera inhabitee:
Corsique, Salerne & de Sardeigne l’Isle,
Faim, peste guerre, fin de maux intentee.

Q.7
Sur le combat de grands cheuaux legers,
On criera le grand croissant confond:
De nuict tuer. morts, habits de bergers,
Abismes rouges dans le fossé profond.

Q.8
Florira, fuis, fuis le plus proche Romain,
Au Fesulan sera conflict donné:
Sang espandu, les plus grands prins à main,
Temple ne sexe ne sera pardonné.

Q.9
Dame l’abscence de son grand capitaine,
Sera priee d’amour du Vice Roy:
Fainte promesse & malheureuse estreine,
Entre les mains du grand Prince Baroy.

Q.10
Par le grand Prince limitrophe du Mas,
Preux & vaillant chef du grand exercite:
Par mer & terre de Gallots & Normans,
Caspre passer Barcelone pillé isle.

Q.11
L’enfant Royal contemnera la mere,
Oiel, pieds blessez rude, inobeissant,
Nouuelle à dame estrange & bien amere,
Seront tuez des siens plus de cinq cens.

Q.12
Le grand puisnay fera fin de la guerre
Aux Dieux assemble les excuses:
Cahors, Moissaac iront loing de la serre,
Refus Lestore, les Agenois rasez.

Q.13
De la cité marine & tributaire
La teste raze prendra la satrapie:
Chasser sordide qui puis sera contraire,
Par quatorze ans tiendra la tyrannie.

Q.14
Faux exposer viendra topographie,
Seront les cruches des monumens ouuertes:
Pulluler secte, saincte philosophie,
Pour blanches noires, & pour antiques vertes.

Q.15
Deuant cité de l’Insubre contree,
Sept ans sera le siege deuant mis:
Le tres-grand Roy y fera son entree,
Cité puis libre hors de ses ennemis.

Q.16
Entree profonde par la grand Royne faicte
Rendra le lieu puissant inaccessible:
L’armee des trois Lyons sera deffaite,
Faisant dedans cas hideux & terrible.

Q.17
Le Prince rare de pitié & clemence
Viendra châger par mort grand cognoissance
Par grand repos le regne trauaillié,
Lors que le grand tost sera estrillé.

Q.18
Les assiegez couloureront leur paches,
Sept iours apres feront cruelle issuë,
Dans repoussez, feu, sang Sept mis à l’hache
Dame captiue qu’auoir la paix tissuë.

Q.19
Le fort Nicene ne sera combatu:
Vaincu sera par rutilant metal.
Son faict sera vn long temps debatu,
Aux citadins estrange espouuental.

Q.20
Ambassadeurs de la Toscane langue,
Auril & May Alpes & mer passee
Celuy de veau exposera l’harangue,
Vie Gauloise ne venant effacer.

Q.21
Par pestilente inimitié Volsicque,
Dissimulee chassera le tyran:
Au pont de Sorgues se fera la traffique
De mettre à mort luy & son adherant.

Q.22
Les citoyens de Mesopotamie
Ires encontre amis de Taroconne,
Ieux rits, banquets, toute gent endormie
Vicaire au Rosne, prins cité, ceux d’Ausone.

Q.23
Le Royal sceptre sera contrainct de prendre,
Ce que ses predecesseurs auoyent engagé
Puis que l’anneau on fera mal entendre,
Lors qu’on viendra le palais saccager.

Q.24
L’enseuely sortira du tombeau,
Fera de chaines lie le fort du pont:
Empoisonné auec oeufs de Barbeau,
Grand de Lorraine par le Marquis du Pont.

Q.25
Par guerre longue tout l’exercice expulser,
Que pour soldats ne trouueront pecune,
Lieu d’or, d’argent, cuir on viendra cuser,
Gaulois aerain, siege, croissant de Lune.

Q.26
Fustes & galeres autour de sept nauires,
Sera liuree vne mortelle guerre:
Chef de Madric receura coup de vires,
Deux eschapees, & cinq menees à terre.

Q.27
Au cainct de Vast la grand caualerie,
Proche à Ferrage empeschee au bagage:
Prompt à Turin feront tel volerie,
Que dans le fort rauiront leur hostage.

Q.28
Le capitaine conduira grande proye,
Sur la montagne des ennemis plus proche:
Enuironné par feu fera telle voye,
Tous eschappez, or trente mis en broche.

Q.29
Le grand Duc l’Albe se viendra rebeller,
A ses grands peres fera le tradiment:
Le grand de Guise le viendra deceler,
Captif mené & dressé mouuement.

Q.30
Le sac s’approche, feu grand sang espandu
Po, grands fleuues aux bouuiers l’entreprise,
De Gennes, Nice apres l’on attendu,
Foussan, Turin, à Sauillan la prinse.

Q.31
De Languedoc, & Guienne plus de dix
Mille voudront les Alpes repasser:
Grands Allobroges marcher contre Brundis
Aquin & Bresse les viendront recasser.

Q.32
Du mont Royal naistra d’vne casane,
Qui caue, & compte viendra tyranniser:
Dresser copie de la marche Millane,
Fauene, Florence d’or & gens espuiser.

Q.33
Par fraude regne forces expolier,
La classe, obsesse, passages à l’espie.
Deux faincts amys se viendront taillier,
Esueillier hayne de long temps assoupie.

Q.34
En grand regret sera la gent Gauloise,
Coeur vain, leger croira temerité:
Pain, sel, ne vin, eau, venin ne ceruoise,
Plus grand captif, faim, froid, necessité.

Q.35
La grande pesche viendra plaindre, plorer,
D’auoir esleu, trompez seront en l’aage
Guiere avec eux ne voudra demourer,
Deceu sera par ceux de son langage.

Q.36
Dieu, le ciel tout le diuin verbe a l’onde,
Porté par rouges sept razes à Bizance:
Contre les oingt trois cens de Trebisconde
Deux lois mettront & horreur, puis credence.

Q.37
Dix enuoyez, chef de nef mettre à mort,
D’vn aduerty en classe guerre ouuerte:
Confusion chef l’vn se picque & mort,
Leryn, stecades nefs, cap dedans la nerte

Q.38
L’aisné Royal sur coursier voltigeant,
Picquer viendra si rudement courir
Gueulle, lipee, pied dans l’estrein pleignant,
Trainé, tiré, horriblement mourir.

Q.39
Le conducteur de l’armee Françoise,
Cuidant perdre le principal phalange:
Par sus paué de l’auaigne & d’ardoise,
Soy parfondra par Gennes gent estrange.

Q.40
Dedans tonneaux, hors oingts d’huile & gresse
Seront vingt vn deuant le port fermez
Au second guet par mort feront proüesse.
Gaigner les portes, & du guet assommez.

Q.41
Les os des pieds & des mains enserrez,
Par bruit maison long temps inhabitee,
Seront par songes concauant deterrez,
Maison salubre & sans bruit habitee.

Q.42
Deux de poison saisis nouueaux venus
Dans la cuisine du grand Prince verser:
Par le soüillard tous deux au faict cogneus,
Prins qui cuidoit mort l’aisné vexer.

Centurie VIII

Q.1

PAV, NAY, LORON plus feu qu’à sang sera,
Laude nager, fuir grand aux surrez:
Les agassas entree refusera,
Pampon, Durance les tiendra enserez.

Q.2
Condon & aux & autour de Mirande
Ie voy du ciel feu qui les enuironne:
Sol Mars conioint au Lyon puis Marmande
Foudre, grand gresle, mur tombe dans Garône.

Q.3
Au fort chasteau de Vigilanne & Resuiers
Sera serré le puisnay de Nancy:
Dedans Turin seront ards les premiers
Lors que de dueil Lyon sera transy.

Q.4
Dedans Monech le Coq sera receu,
Le Cardinal de France apparoistra
Par Logation Romain sera deceu,
Foiblesse à l’Aigle, & force au Coq naistra.

Q.5
Apparoistra temple luisant orné,
La lampe & cierge à Borne & Bretueil:
Pour la lucerne le Canton destourné,
Quand on verra le grand Coq au cercueil.

Q.6
Clarté fulgure à Lyon apparante
Luysant, print Malte, subit sera esteinte:
Sardon, Mauris traictera deceuante,
Geneue à Londes à Coq trahison fainte.

Q.7
Verceil, Milan donra intelligence
Dedans Tycin sera faicte la playe,
Courir par Saine eau, sang feu par Florence,
Vnique cheoir d’haut en bas faisant maye.

Q.8
Pres de Linterne dans de tonnes fermez,
Chiuaz fera pour l’Aigle la menee,
L’esleu chassé luy ses gens enfermez,
Dedans Turin rapt epouse emmenee.

Q.9
Pendant que l’Aigle & le Coq à Sauone
Seront vnis, Mer, Levant & Ongrie,
L’armee à Naples, Palerne, Marque d’Ancone,
Rome, Venise par Barbe horrible crie.

Q.10
Puanteur grande sortira de Lausanne,
Qu’on ne sçaura lorigine du fait.
L’on mettra hors toute la gent lointaine,
Feu veu au ciel, peuple estranger desfait.

Q.11
Peuple infiny paroistra à Vicence
Sans force, feu brusler la basilique:
Pres de Lunage desfait grand de Valence,
Lors que Venise par morte prendra pique.

Q.12
Apparoistra aupres de Buffalorre
L’haut & procere entré dedans Milan,
L’Abbé de Foix auec ceux de sainct Morre
Feront la forbe habillez en vilan.

Q.13
Le croisé fere par amour effrenee
Fera par Praytus Bellephoron mourir,
Classe à milans la femme forcenee
Beu breuuage, tous deux apres perir.

Q.14
Le grand credit d’or & d’argent l’abondance
Fera aueugler par libide l’honneur,
Sera cogneu d’adultere l’offence
Qui paruiendra à son grand des-honneur.

Q.15
Vers Aquilon grands efforts par homasse
Presque l’Europe & l’Vniuers vexer,
Les deux eclypses mettra en telle chasse,
Et aux Pannon vie & mort renforcer.

Q.16
Au lieu que HIERON fait la nef fabriques.
Si grand deluge sera & si subite,
Qu’on n’aura lieu ne terre s’attaquer,
L’onde monter Fesulan Olympique.

Q.17
Les biens aisez subit seront desmis,
Par les trois freres le monde mis en trouble.
Cité marine saisiront ennemis,
Fain, feu, sang, peste, & de tous maux le double.

Q.18
De Flore issue de sa mort sera cause,
Vn temps deuant par ieune & vieille bueyre
Car les trois lys luy feront telle pause,
Par son fruit sauue comme chair crue mueyre.

Q.19
A soustenir la grande cappe troublee,
Pour l’esclaircir les rouges marcheront:
De mort famille sera presque accablee,
Les rouges le rouge assommeront.

Q.20
Le faux message par election feinte,
Courir par vrben rompue pache arreste:
Voix acheptee, de sang chappelle teinte,
Et à vn autre l’empire contraicte.

Q.21
Au port de Agde trois fustes entreront,
Pourtant l’infect, non foy & pestilence,
Passant le pont mil milles embleront,
Et le pont rompre à tierce resistance.

Q.22
Gorsan, Narbonne, par le sel aduertir
Tucham, la grace Parpignan trahie,
La ville rouge n’y voudra consentir,
Par haute vol drap gris vie faillie.

Q.23
Lettres trouuees de la Royne les coffres,
Point de subscrit sans aucun non d’autheur:
Par la police seront cachez les offre,
Qu’on ne sçaura qui sera l’amateur.

Q.24
Le lieutenant à l’entree de lhuys
Assommera le grand de Parpignan,
En se cuidant sauuer à Monpertuis,
Sera deceu bastard de Lusignan.

Q.25
Coeur de l’amant ouuert d’amour fortiue
Dans le ruisseau fera rauir la Dame:
Le demy mal contrefera lassiue,
Le pere à deux priuera corps de l’ame.

Q.26
De Caton és trouues en Barcelonne,
Mys decouuers lieu retrouuers & ruyne,
Le grand qui tient ne tient voudra Pamplonne,
Par l’abbage de Monferrat bruyne.

Q.27
La voye auxelle l’vne sur l’autre fornix
Du muy deser hor mis braue & genest,
L’escript d’Empereur le fenix
Veu à celuy ce qu’à nul autre n’est.

Q.28
Les simulachres d’or & d’argent enflez,
Qu’apres le rapt au feu furent iettez,
Au descouuert estaincts tous & troublez,
Au marbre escripts, prescrips intergetez.

Q.29
Au quart pillier lon sacre à Saturne,
Par tremblant terre & deluge fendu
Soubs l’edifice Saturnin trouuee vrne,
D’or Capion rauy & puis rendu.

Q.30
Dedans Tholouse non loing de Beluzer,
Faisant vn puys loing, palais d’espectacle
Thresor trouué vn chacun ira vexer,
Et en deux locz tout & pres de vasacle.

Q.31
Premier grand fruict le Prince de Pesquiere:
Mais puis viendra bien & cruel malin,
Dedans Venise perdra sa gloire fiere,
Et mis à mal par plus ioyue Celin.

Q.32
Garde toy Roy Gaulois de ton nepueu,
Qui fera tant que ton vnique fils
Sera meurtry à Venus faisant voeu;
Accompagné de nuict que trois & six.

Q.33
Le grand naistra de Veronne & Vincence,
Qui portera vn surnom bien indigne
Qui à Venise voudra faire vengeance,
Luy mesme prins homme du guet & sine.

Q.34
Apres Victoire du Lyon au Lyon
Sus la montaigne de IVRA Secatombe
Delues & brodes septiesme million
Lyon, Vlme à Mansol mort & tombe.

Q.35
Dedans l’entree de Garone & Bayse
Et la forest non loing de Damazan
Du mar saues gelees, puis gresle & bize
Dordonnois gelle par erreur de mesan.

Q.36
Sera commis conte oindre aduché
De Saulne et sainct Aulbin et Bel l’ oeuvre
Pauer de marbre de tours loings espluché
Non Bleteram resister & chef d’oeuure.

Q.37
La forteresse aupres de la Tamise
Cherra par lors le Roy dedans serré:
Aupres du pont sera veu en chemise
Vn deuant mort, puis dans le fort barré.

Q.38
Le Roy de Bloys dans Auignon regner
Vne autre fois le peuple emonopolle
Dedans le Rosne par murs fera baigner
Iusques à cinq le dernier pers de Nolle.

Q.39
Qu’aura esté par Prince Bizantin,
Sera tollu par prince de Tholouses
La foy de Foix par le chef Tholentin
Luy faillira, ne refusant l’espouse.

Q.40
Le sang du Iuste par Taurer la daurade,
Pour se venger contre les Saturnins
Au nouueau lac plongeront la maynade,
Puis marcheront contre les Albanins.

Q.41
Esleu sera Renard ne sonnant mot,
Faisant le saint public viuant pain d’orge,
Tyrannizer apres tant à vn cop,
Mettant à pied des plus grands sur la gorge.

Q.42
Par auarice par force, & violence
Viendra vexer les siens chef d’Orleans,
Pres sainct Memire assaut & resistance
Mort dans sa tante diront qu’il dort leans.

Q.43
Par le decide de deux choses bastards,
Nepueu du sang occupera le regne,
Dedans lectoyre seront les coups de dards,
Nepueu par peur pliera l’anseigne.

Q.44
Le procree nature dogmion,
De sept à neuf du chemin destorner:
A Roy de longue & amy au my hom.
Doit à Nauarre fort de PAV prosterner.

Q.45
La main escharpe & la iambe bandee,
Longs puis n’ay de Calais portera,
Au mot du guet la mort sera tardee,
Puis dans le temple à Pasque saignera.

Q.46
Pol mensolee mourra trois lieües du rosne,
Fuis les deux prochains tarasc destrois:
Car Mars fera le plus horrible trosne,
De coq et d’aigle de France freres trois.

Q.47
Lac Transmenien portera tesmoignage,
Des coniurez sarez dedans Perouse
Vn despolle contrefera le sage:
Tuant Tedesque sterne & minuse.

Q.48
Saturne en Cancer, Iupiter auec Mars,
Dedans Feurier Chaldondon saluterre,
Saut Castallon assailly de trois pars,
Pres de Verbiesque conflit mortelle guerre.

Q.49
Satur, au boeuf ioüe en l’eau, Mars en fleiche,
Six de Feurier mortalité donra,
Ceux de Tardaigne à Bruge si grand breche,
Qu’à Ponteroso chef Barbarin mourra.

Q.50
La pestilence l’entour de Capadille,
Vne autre faim pres de Sagont s’appreste:
Le chevalier bastard de bon senille,
Au grand de Thunes fera trancher la teste.

Q.51
Le Binzantin faisant oblation,
Apres auoir Cordube à soy reprinse:
Son chemin long repos pamplation,
Mer passant proy par la Golongna prinse

Q.52
Le Roy de Bloys dans Auignon regner.
D’Amboise & semer viendra le long de Lyndre:
Ongle à Poytiers sainctes aisles ruiner,
Deuant Boni.

Q.53
Dedans Bolongne voudra lauer ses fautes,
Il ne pourra au temple du soleil:
Il volera faisant choses si hautes,
En hierarchie n’en fut oncq vn pareil.

Q.54
Soubs la couleur du traicté mariage,
Fait par magnanime par grand Chyren selin:
Quintin, Arras recouurez au voyage,
D’espagnols fait second banc maclin.

Q.55
Entre deux fleuues se verra enserré,
Tonneaux & caques vnis à passer outre:
Huict ponts rompus chef à tant enferré,
Enfans parfaicts sont iugulez en coultre.

Q.56
La bande foible la terre occupera,
Ceux du haut lieu feront horribles cris:
Le gros trouppeau d’estre coin troublera,
Tombe pres Dinebro descouuers les escris.

Q.57
De soldat simple paruiendra en empire,
De robbe coture paruiendra à la longue:
Vaillant aux armes en Eglise ou plus pyre,
Vexer les prestres comme l’eau fait l’esponge.

Q.58
Regne en querelle aux freres diuisé,
Prendre les armes & le nom Britannique:
Tiltre Anglican sera tard aduisé,
Surprins de nuict mener à l’air Gallique.

Q.59
Par deux foix haut par deux foix mis à bas,
L’orient aussi l’occident foyblira:
Son aduersaire apres plusieurs combats,
Par mer chasse au besoing faillira.

Q.60
Premier en Gaule, premier en Romaine,
Par mer & terre aux Anglois & Paris,
Merueilleux faits par celle grand mesme,
Violant terax perdra le NORLARIS.

Q.61
Iamais par le descouurement du iour,
Ne paruiendra au signe sceptifere:
Que tous ses sieges ne soyent en seiour,
Portant au coq don du TAG armifere.

Q.62
Lors qu’on verra expiler le sainct temple,
Plus grand du rosne leurs sacrez prophaner
Par eux naistra pestilence si ample,
Roy fuit iniuste ne fera condamner.

Q.63
Quand l’adultere blessé sans coup aura,
Meurdry la femme & les fils par despit,
Femme assommee l’enfant estranglera:
Huict captifs prins, s’estouffer sans respit.

Q.64
Dedans les Isles les enfans transportez,
Les deux de sept seront en desespoir:
Ceux du terroüer en seront supportez,
Nom pelle prins des ligues fuy l’espoir.

Q.65
Le vieux frustré du principal espoir,
Il paruiendra au chef de son empire:
Vingt mois tiendra le regne à grand pouuoir,
Tiran, cruel en delaissant vn pire.

Q.66
Quand l’escriture D.M. trouuee,
Et caue antique à lampe descouuerte,
Loy, Roy, & Prince Vlpian esprouuee,
Pauillon Royne & Duc sous la couuerte.

Q.67
PAR. CAR. NERSAF, à ruine grand discorde,
Ne l’vn ne l’autre n’aura election,
Nersaf du peuple aura amour & concorde,
Ferrare, Collonne grande protection.

Q.68
Vieux Cardinal par le ieusne deceu,
Hors de sa charge se verra desarmé:
Arles ne monstres double soit apperceu,
Et liqueduct & le Prince embausmé.

Q.69
Aupres du ieune le vieux ange baisser,
Et le viendra surmonter à la fin:
Dix ans esgaux aux plus vieux rabaisser,
De trois deux l’vn huictiesme seraphin.

Q.70
Il entrera vilain meschant, infame
Tyrannisant la Mesopotamie
Tous amis fait d’adulterine dame,
Terre horrible noir de phisonomie.

Q.71
Croistra le nombres si grand des astronomes
Chassez, bannis & liures censurez.
L’An mil six cens & sept par sacrees glomes,
Que nul aux sacres ne seront asseurez.

Q.72
Champ Perusin ô l’enorme deffaite,
Et le conflict tout aupres de Rauenne,
Passage sacre lors qu’on fera la feste.
Vainqueur vaincu cheual manger la venne.

Q.73
Soldat Barbare le grand Roy frapper,
Iniustement non esloigné de mort
L’auare mere du fait cause sera,
Coniurateur & regne en grand remort.

Q.74
En terre neufue bien auant Roy entré,
Pendant subiets luy viendront faire acueil:
Sa perfidie aura tel rencontré,
Qu’aux citadins lieu de feste & recueil.

Q.75
Le pere & fils seront meurdris ensemble,
Le prefecteur dedans son pauillon:
La mere à Tours du fils ventre aura enfle,
Caiche verdure de fueilles papillon.

Q.76
Plus Macelin que Roy en Angleterre,
Lieu obscur n’ay par force aura l’empire:
Lasche sans foy sans loy saignera terre,
Son temps s’approche si pres que ie souspire.

Q.77
L’antechrist trois bien tost annichilez,
Vingt & sept ans sang durera sa guerre:
Les heretiques morts, captifs exilez,
Sang corps humain eau rogie gresler terre.

Q.78
Vn bragamas auec la langue torte,
Viendra des dieux le sanctuaire:
Aux heretiques il ouurira la porte,
En suscitant l’Eglise militaire.

Q.79
Qui par fer pere perdra n’ay de Nonnaire,
De Gorgon sur la sera sang perfetant:
En terre estrange fera si tout de taire,
Qui bruslera luy mesme & son [entant][enfant].

Q.80
Des innocens le sang de vefue & vierge,
Tant de maux faits par moyen se grand Roge:
Sains simulachres trempez en ardant cierge,
De frayeur crainte ne verra nul que boge.

Q.81
Le neuf empire en desolation,
Sera changé du pole aquilonaire:
De la Sicile viendra l’esmotion,
Troubler l’emprise à Phillip. tributaire.

Q.82
Ronge long sec faisant du bon valet,
A la parfin n’aura que son congie:
Poignant poyson, & lettres au collet,
Sera saisi eschappe en dangie.

Q.83
Le plus grand voile hors du port de Zara,
Pres de Bisance fera son entreprise:
D’ennemy perte & l’amy ne sera,
Le tiers à deux fera grand pille & prinse.

Q.84
Paterne orra de la Sicile crie,
Tous les aprests du goulphre de Trieste,
Qui s’entendra iusque à la trinacrie,
De tant, de voiles fuy, fuy l’horrible peste.

Q.85
Entre Bayonne & saint Iean de Lux
Sera posé de Mars la promotoire
Aux Hanix d’Aquilon Nanat hostera lux,
Puis suffoqué au lict sans adiutoire.

Q.86
Par Arnani tholoser isle franque,
Bande infinie par le mont Adrian:
Passe riuiere, Hutin par pont la planque
Bayonne entrer tous Bichoro criant.

Q.87
Mort conspiree viendra en plain effect,
Charge donnee & voyage de mort:
Esleu, cree receu par siens deffait.
Sang d’innocent deuant soy par remort.

Q.88
Dans la Sardeigne vn noble Roy viendra,
Qui ne tiendra que trois ans le royaume.
Plusieurs couleurs auec soy conioindra,
Luy mesme apres soin sommeil marrit scome.

Q.89
Pour ne tomber entre mains de son oncle,
Qui ses enfants par regner trucidez:
Orant au peuple mettant pied sur Peloncle
Mort & traisné entre cheuaux bardez.

Q.90
Quâd des croisez vn trouué de sens trouble,
En lieu du sacre verra vn boeuf cornu:
Par vierge porc son lieu lors sera comble,
Par Roy plus ordre ne sera soustenu.

Q.91
Parmy les champs des Rodanes entrees
Où les croysez seront presques unys,
Les deux brassieres en pises rencontres
Et vn grand nombre par deluge punis.

Q.92
Loing hors du regne mis en hazard voyage
Grand ost duyra pour soy l’occupera,
Le Roy tiendra les siens captif ostage
A son retour tout pays pillera.

Q.93
Sept moys sans plus obtiendra prelature
Par son decez grand scisme fera naistre:
Sept moys tiendra vn autre la preture
Pres de Venise paix, vnion renaistre.

Q.94
Deuant le lac ou plus cher fut getté
De sept mois, & son ost desconfit
Seront Hispans par Albanois gastez,
Par delay perte en donnant le conflict.

Q.95
Le seducteur sera mis en la fosse,
Et estaché iusques à quelque temps,
Le clerc vny le chef auec sa crosse:
Pycante droite attraira les contens.

Q.96
La synagogue sterile sans nul fruit
Sera receue entre les infideles,
De Babylon la fille du porsuit:
Misere & triste luy trenchera les aisles.

Q.97
Aux fins de Var changer les pompotans,
Pres du riuage les trois beaux enfans naistre:
Ruyne au peuple par aage competans,
Regne au pays changer plus voir croistre.

Q.98
De gens d’Eglise sang sera espanché,
Comme de l’eau en si grand abondance:
Et d’vn long temps ne sera restranché,
Ve ve au clerc ruyne & doleance.

Q.99
Par la puissance des trois Rois temporels,
En autre lieu sera mis le sainct Siege:
Où la substance de l’esprit corporel,
Sera remis & receu pour vray siege.

Q.100
Pour l’abondance de larme respandue,
Du haut en bas par le bas au plus haut:
Trop grande foy par ieu vie perdue,
De soif mourir par abondant defaut.

Centurie IX

Q.1

Dans la maison du traducteur de Bourc,
Seront les lettres trouuees sur la table,
Borgne, roux, blanc, chanu tiendra de cours,
Qui changera au nouueau Connestable.

Q.2
Du haut du mont Auentin voix ouye,
Vuydez vuydez de tous les deux costez:
Du sang des rouges sera l’ire assomye,
D’Arimin Prato, Columna debotez.

Q.3
La magna vaqua à Rauenne grand trouble,
Conduicts par quinze enserrez à Fornase:
A Rome naistra deux monstres à testes double
Sang, feu, deluge, les plus grands à l’espase.

Q.4
L’an ensuyuant découuerts par deluge,
Deux chefs esleuz, le premier ne tiendra
De fuyr ombre à l’vn d’eux le refuge,
Saccagee case qui premier maintiendra.

Q.5
Tiers doigt du pied au premier semblera
A vn nouveau monarque de bas haut,
Qui Pyse & Luques Tyran occupera
Du precedent corriger le deffaut.

Q.6
Par la Guyenne infinité d’Anglois
Occuperont par nom d’Anglaquitaine,
Du Languedoc Ispalme Bourdeloys,
Qu’ils nommeront apres Barboxitaine.

Q.7
Qui ouurira le monument trouué,
Et ne viendra le serrer promptement,
Mal luy viendra, & ne pourra prouué
Si mieux doit estre Roy Breton ou Normand.

Q.8
Puisnay Roy fait son pere mettre à mort,
Apres conflict de mort tres-inhonneste:
Escrit trouué, soupçon donna remort,
Quand loup chassé pose sur la couchette.

Q.9
Quand lampe ardente de feu inextinguible
Sera trouué au temple des Vestales.
Enfant trouué feu, eau passant par crible:
Perir eau Nymes, Tholose cheoir les halles.

Q.10
Moyne moynesse d’enfant mort exposé,
Mourir par ourse, & rauy par verrier,
Par Fois & Pamyes le camp sera posé
Contre Tholose Carcas dresser forrier.

Q.11
Le iuste mort à tort à mort l’on viendra mettre
Publiquement du lieu esteint:
Si grande peste en ce lieu viendra naistre,
Que les iugeans fuyr seront contraints.

Q.12
Le tant d’argent de Diane & Mercure,
Les simulachres au lac seront trouuez:
Le figurier cherchant argille neuue
Lui & les siens d’or seront abbreuuez.

Q.13
Les exilez autour de la Soulongne
Conduits de nuict pour marcher en Lauxois,
Deux de Modenne truculent de Bolongne,
Mis decouuerts par feu de Burançois.

Q.14
Mis en planure chauderons d’infecteurs,
Vin, miel & huyle & bastis sur fourneauxs
Seront plongez, sans mal dit malfacteurs
Sept fum extaint au canon des bordeaux.

Q.15
Pres de Parpan les rouges detenus,
Ceux du milieu parfondres menez loing:
Trois mis en pieces, & cinq mal soustenus,
Pour le Seigneur & Prelat de Bourgoing.

Q.16
De castel Franco sortira l’assemblee,
L’ambassadeur non plaisant fera scisme:
Ceux de Ribiere seront en la meslee,
Et au grand goulfre desnie ont l’entree.

Q.17
Le tiers premier pis que ne fit Neron,
Vuidez vaillant que sang humain respandre:
Rédifier fera le forneron,
Siecle d’or mort, nouueau Roy grâd esclandre.

Q.18
Le lys Dauffois portera dans Nansi,
Iusques en Flandres electeur de l’Empire
Neufue obturee au grand Montmorency,
Hors lieux prouuez deliure à clere peine.

Q.19
Dans le milieu de la forest Mayenne,
Sol au Lyon la fouldre tombera:
Le grand bastard yssu du grand du Maine,
Ce iour fougeres pointe en sang entrera.

Q.20
De nuict viendra par la forest de Reines,
Deux pars vaultorte Hene la pierre blanche.
Le moyne noir en gris dedans Varennes,
Esleu cap cause tempeste, feu sang tranche.

Q.21
Au temple haut de Bloys sacre Salonne,
Nuict pont de Loyre Prelat, Roy pernicant:
Curseur victoire aux marests de la lone,
D’où prelature de blancs abormeant.

Q.22
Roy & sa cour au lieu de langue halbe,
Dedans le temple vis a vis du palais:
Dans le iardin Duc de Mantor & d’Albe,
Albe & Mantor poignard langue & palais.

Q.23
Puisnay ioüant au fresch dessoubs la tonne,
Le haut du toict du milieu sur la teste,
Le pere Roy au temple saint Salonne,
Sacrifiant sacrera fum de feste.

Q.24
Sur le palais au rochier des fenestres,
Seront rauis les deux petits royaux:
Passer aurelle Luthece, Denis cloistres,
Nonnain, Mallods aualler vers noyaux.

Q.25
Passant les ponts venir pres de rosiers,
Tard arriué plustost qu’il cuidera,
Viendront les noues Espagnols à Besiers,
Qu’icelle chasse emprinse cassera.

Q.26
Nice sortie sur nom des lettres aspres,
La grande cappe fera present non sien:
Proche de vultry aux murs de vertes capres,
Apres plombin le vent à bon essien.

Q.27
De bois la garde, vent clos ronds pont sera,
Haut le receu frappera le Dauphin,
Le vieux teccon bois vnis passera,
Passant plus outre du Duc le droit confin.

Q.28
Voile Symacle port Massiliolique,
Dans Venise port marcher aux Pannons:
Partir du goufre & sinus Illirique,
Vast à Socile, Ligurs coups de canons.

Q.29
Lors que celuy qu’à nul ne donne lieu,
Abandonner voudra lieu prins non prins:
Feu neuf par saignes, bieument à Charlieu,
Seront Quintin Balez reprins.

Q.30
Au port de Puola & de sainct Nicolas,
Perir Normande au goufre Phanatique,
Cap de Bisance rues crier helas,
Secours de Gaddes & du grand Philippique.

Q.31
Le tremblement de terre à Morrura,
Caffich sainct George à demy perfondrez:
Paix assoupie la guerre esueillera,
Dans temple à Pasques abysmes enfondrez.

Q.32
De fin porphire profond collon trouuee
Dessouz la laze escripts capitolin:
Os poil retors Romain force prouuee,
Classe agiter au port de Methelin.

Q.33
Hercules Roy de Rome & d’Annemarc,
De Gaule trois Guion surnommé,
Trembler l’Italie & l’vnde de sainct Marc,
Premier sur tous monarque renommé. Hercules

Q.34
Le part soluz mary sera mitré,
Retour conflict passera sur le thuille:
Par cinq cens vn trahyr sera tiltré
Narbon & Saulce par couteaux auons d’huille.

Q.35
Et Ferdinand blonde sera deserte,
Quitter la fleur, suiure le Macedon,
Au grand besoin de faillira sa routte,
Et marchera contre le Myrmidon.

Q.36
Vn grâd Roy prins entre les mains d’vn loyne,
Non loin de Pasque confusion coup cultre:
Perpet, captifs foudre en la husne,
Lors que trois freres se blesseront & murtre.

Q.37
Pont & moulins en Decembre versez,
En si haut lieu montera la Garonne:
Meurs, edifices, Tolose renuersez,
Qu’on ne sçaura son lieu autant matronne.

Q.38
L’entree de Blaye par Rochelle & l’Anglois,
Passera outre le grand Aemathien:
Non loin d’Agen attendra le Gaulois,
Secours Narbonne deceu par entretien.

Q.39
En Arbissel à Veront & Carcari,
De nuict conduits par Sauonne attraper,
Le vifs Gascon Turby, & la Scerry:
Derrier mur vieux & neuf palais gripper.

Q.40
Pres de Quintin dons la forest bourlis,
Dans l’Abaye seront Flamens ranchés:
Les deux puisnais de coups my estourdis,
Suitte oppressee & garde tous achés.

Q.41
Le grand Chyren soy saisir d’Auignon,
De Rome lettres en miel plein d’amertu
Lettre ambassade partir de Chanignon,
Carpentras pris par duc noir rouge plum

Q.42
De Barcellonne, de Gennes & Venise
De la Secille peste Monet vnis:
Contre Barbare classe prendront la vise,
Barbar poussé bien loing iusqu’à Thunis.

Q.43
Proche à descendre l’armee Crucigere,
Sera guettee par les Ismaëlites,
De tous costez batus par nef Rauiere,
Prompt assaillis de dix galeres eslites.

Q.44
Migrés, migrés de Geneue trestous.
Saturne d’or en fer se changera,
Le contre FAYPOZ exterminera tous,
Auant l’aduent le ciel signes fera.

Q.45
Ne sera soul iamais de demander,
Grand Mendosus obtiendra son empire:
Loing de la cour fera contremander
Pymond, Picard, Paris Tyrron le pire.

Q.46
Vuydez fuyez de Tolose les ronges,
Du sacrifice faire piation.
Le chef du mal dessous l’ombre des courges:
Mort estrangler carne omination.

Q.47
Les soubz signez d’indigne deliurance,
Et de la multe auront contre aduis:
Change monarque mis en perille pence,
Serrez en cage le verront vis à vis.

Q.48
La grand cité d’Occean maritime,
Enuironnee de marets en cristal:
Dans le solstice hyemal & la prime,
Sera tentee de vent espouuantal.

Q.49
Gand & Bruceles marcheront contre Anuers,
Senat de Londres mettront à mort leur Roy:
Le sel & vin luy seront à l’enuers,
Pour eux auoir le regne en desarroy.

Q.50
Mandosus tost viendra à son haut regne,
Mettant arriere vn peu les Norlaris:
Le rouge blesme, le masle a l’interregne,
Le ieune crainte & frayeur Barbaris.

Q.51
Contre les rouges sectes se banderont,
Feu, eau, fer, corde par paix se minera:
An point mourir ceux qui machineront,
Fors vn que monde sur tout ruinera.

Q.52
La paix s’approche d’vn costé, & la guerre,
Oncques ne fut la poursuitte si grande:
Plaindre hôme, femme sang innocent par terre,
Et ce sera de France a toute bande.

Q.53
Le Neron ieune dans le trois cheminees,
Fera de paiges vifs pour ardoir ietter:
Heureux qui loing sera de tels menees,
Trois de son sang le feront mort guetter.

Q.54
Arriuera au port de Corsibonne,
Pres de Rauenne, qui pillera la dame:
En mer profonde legat de la Vlisbonne,
Sous roc cachez rauiront septante ames.

Q.55
L’horrible guerre qu’en l’Occident s’appreste,
L’an ensuiuant viendra la pestilence
Si fort l’horrible que ieune, vieux, ne beste,
Sang, feu. Mercure, Mars, Iupiter en France.

Q.56
Cam pres de Noudam passera Goussan ville,
Et à Maiotes laissera son enseigne:
Conuertira en instant plus de mille,
Cherchât les deux remettre en chaine & legne.

Q.57
Au lieu de DRVX vn Roy reposera,
Et cherchera loy changeant d’Anatheme:
Pendant le ciel si tresfort tonnera,
Portera neufue Roy tuera soy mesme.

Q.58
Au costé gauche à l’endroit de Vitry,
Seront guettez les trois rouges, de France:
Tous assommez rouge, noir non meurdry,
Par les Bretons remis en asseurance.

Q.59
A la Ferté prendra la Vidame,
Nicol tenu rouge qu’auoit produit la vie:
La grand Loyse naistra que fera clame,
Donnant Bourgongne à Bretons par enuie.

Q.60
Conflict Barbar en la Cornette noire,
Sang espandu, trembler la Dalmatie:
Grand Ismael mettra son promontoire,
Ranes trembler secours Lusitanie.

Q.61
La pille faicte à la coste marine,
In cita noua & parens amenez.
Plusieurs de Malte par le fait de Messine,
Estroit serrez seront mal guerdonnez.

Q.62
Au grand de Chera mon agora,
Seront croisez par ranc tous attachez,
Le pertinax Oppi, & Mandragora,
Raugon d’Octobre le tiers seront laschez.

Q.63
Plainctes & pleurs cris, & grands hurlemens
Pres de Narbon a Bayonne & en Foix,
O quels horribles calamitez changemens,
Auant que Mars reuolu quelquefois.

Q.64
L’Aemathion passer monts Pyrennees,
En Mas Narbon ne fera resistance,
Par mer & terre fera si grand menee,
Cap. n’ayant terre seure pour demeurance.

Q.65
Dedans le coing de Luna viendra rendre
Où sera prins & mis en terre estrange.
Les fruicts immeurs seront à grand esclandre,
Grand vitupere, à l’vn grande loüange.

Q.66
Paix, vnion sera & changement,
Estats, offices bas haut & haut bien bas
Dresser voyage, le fruict premier tourment,
Guerre cesser, ciuil proces debats.

Q.67
Du haut des monts à l’entour de Lizere
Port à la roche Valent cent assemblez
De Chasteauneuf Pierre late en donzere,
Contre le Crest Romans foy assemblez.

Q.68
Du mont Aymar sera noble obscurcie,
Le mal viendra au ioinct de Saone & Rosne:
Dans bois cachez soldats iour de Lucie
Qui ne fut onc vn si horrible throsne.

Q.69
Sur le mont de Bailly & la Bresle
Seront cachez de Grenoble les fiers
Outre Lyon, Vien eux si grand gresle.
Langoult en terre n’en restera vn tiers.

Q.70
Harnois trenchans dans les flambeaux cachez,
Dedans Lyon, le iour du Sacrement,
Ceux de Vienne seront trestous hachez,
Par les cantons Latins Mascon ne ment.

Q.71
Aux lieux sacrez animaux veu à trixe,
Auec celuy qui n’osera le iour.
A Carcassonne pour disgrace propice,
Sera posé pour plus amule seiour.

Q.72
Encor seront les saincts temples pollus,
Et expillez par Senat Tholosain,
Saturne deux trois cicles reuollus.
Dans Auril, May, gens de nouueau leuain.

Q.73
Dans Fois entrez Roy ceiulee Turban:
Et regnera moins euolu Saturne,
Roy Turban blanc Bizance coeur ban,
Sol, Mars, Mercure pres la hurne.

Q.74
Dans la cité de Fertsod homicide,
Fait, & fait multe beuf arant ne macter,
Retours encores aux honneurs d’Artemide
Et à Vulcan corps morts sepulturer.

Q.75
De l’Ambraxie & du pays de Thrace
Peuple par mer, mal, & secours Gaulois,
Perpetuelle en prouence la trace,
Auec vestige de leurs coustume & loix.

Q.76
Auec le noir Rapax & sanguinaire,
Yssu du peaultre de l’inhumain Neron,
Emmy deux fleuues main gauche militaire,
Sera meurtry par Ioyne chaulueron.

Q.77
Le regne prins le Roy coniurera
La dame prinse à mort iurez à sort,
La vie à Royne fils on desniera,
Et la pellix au fort de la consort.

Q.78
La dame Grecque de beauté laydique,
Heureuse faicte de procs innumerable,
Hors translatee en regne Hispanique,
Captiue prinse mourir mort miserable.

Q.79
Le chef de classe par fraude stratageme,
Fera timides sortir de leurs galees,
Sortis meurtris chefs renieux de cresme,
Puis par l’embusche luy rendront le saleres.

Q.80
Le Duc voudra les siens exterminer,
Enuoyera les plus forts lieux estranges:
Par tyrannie Bize & Luc ruiner,
Puy les Barbares sans vin feront vendanges.

Q.81
Le Roy rusé entendra ses embusches,
De trois quartiers ennemis assaillir:
Vn nombre estrange larmes de coqueluches,
Viendra Lemprin du traducteur faillir.

Q.82
Par le deluge & pestilence forte,
La cité grande de long temps assiegee:
La sentinelle & garde de main morte,
Subite prinse, mais de nulle outragee.

Q.83
Sol vingt de Taurus si fort de terre trembler,
Le grand theatre remply ruinera:
L’air, ciel & terre obscurcir & troubler,
Lors l’infidelle Dieu & saincts voguera.

Q.84
Roy exposé parfera l’hecatombe,
Apres auoir trouué son origine:
Torrent ouurir de marbre & plomb la tombe,
D’vn grand Romain d’enseigne Medusine.

Q.85
Passer Guienne, Languedoc & le Rosne,
D’Agen tenan de Marmande & la Roolle:
D’ouurir par foy parroy, Phocê tiêdra sô trosne
Conflict aupres saint Pol de Mauseole.

Q.86
Du bourg Lareyne paruiêdrôt droit à Chartres,
Et feront pres du pont Amhoni pause
Sept pour la paix cauteleux comme Martres,
Feront entree d’armee à Paris clause.

Q.87
Par la forest du Touphon essartee,
Par hermitage sera posé le temple,
Le Duc d’Estampes par sa ruse inuentee.
Du mont Lehori prelat donra exemple.

Q.88
Calais Arras, secours à Theroanne,
Paix & semblant simulera l’escoutte,
Soulde d’Alobrox descendre par Roane.
Destornay peuple qui defera la routte.

Q.89
Sept ans sera Philipp. fortune prospere.
Rabaissera des Arabes l’effort,
Puis son midy perplex rebors affaire,
Ieune ognion abismera son fort.

Q.90
Vn capitaine de la Grand Germanie
Se viendra rendre par simulé secours
Au Roy des Roys aide de Pannoie,
Que sa reuolte fera de sang grand cours.

Q.91
L’horrible peste Perynté & Nicopollo,
Le Chersonnez tiendra & Marceloyne,
La Thessalie vastera l’Amphipolle,
Mal incogneu, & le refus d’Anthoine.

Q.92
Le Roy voudra en cité neufue entrer,
Par ennemis expugner l’on viendra
Captif libere faux dire & perpetrer,
Roy dehors estre, loin d’ennemis tiendra.

Q.93
Les ennemis du fort bien esloignez,
Par chariots conduict le bastion.
Par sur les murs de Bourges esgrongnez
Quand Hercules bastira l’Haemathion.

Q.94
Foibles galeres seront vnies ensemble,
Ennemis faux le plus fort en rampart:
Foibles assaillies Vratislaue tremble,
Lubecq & Mysne tiendront barbare part.

Q.95
Le nouueau faict conduira l’exercice,
Proche apamé iusqu’aupres du riuage:
Tendant secours de Millannoile eslite,
Duc yeux priué à Milanfer de cage.

Q.96
Dans cité entrer exercit desniee,
Duc entrera par persuasion,
Aux foibles portes clam armee amenee,
Mettront feu, mort, de sang effusion.

Q.97
De mer copies en trois pars diuisee,
A la seconde les viures failleront,
Desesperez cherchant champs Helisees,
Premiers en breche entrez victoire auront.

Q.98
Les affigez par faute d’vn seul taint,
Contremenant à partie opposite,
Aux Lygonnois mandera que contraint
Seront de rendre le grand chef de Molite.

Q.99
Vent Aquilon fera partir le siege,
Par meurs ietter cendres, chauls, & poussiere:
Par pluye apres, qui leur fera bien pege,
Dernier secours encontre leur frontiere.

Q.100
Naualle pugne nuit sera superee.
Le feu aux naues à l’Occident ruine:
Rubriche neufue, la grand nef coloree,
Ire à vaincu, & victoire en bruine.

Centurie X

Q.1

A L’ennemy, l’ennemy foy promise
Ne se tiendra, les captifs retenus:
Prins preme mort, & le reste en chemise.
Damné le reste pour estre soustenus.

Q.2
Voille gallere voil de nef cachera,
La grande classe viendra sortir la moindre,
Dix naues proches tourneront pousser,
Grande vaincue vnics à soy ioindre.

Q.3
En apres cinq troupeau ne mettra hors vn
Fuitif pour Penelon laschera,
Faux murmurer, secours vnir pour lors,
Le chef le siege pour lors abandonnera.

Q.4
Sur la minuict conducteur de l’armee
Se sauuera subit esuanouy,
Sept ans apres la fame non blasmee,
A son retour ne dira onc ouy.

Q.5
Albi & Castres feront nouuelle ligue,
Neuf Arriens Lis bon & Portugues,
Carcas, Tholouse consumeront leur brigue,
Quand chef neuf monstre de Lauragues.

Q.6
Sardon Nemaus si haut deborderont,
Qu’on cuidera Deucalion renaistre.
Dans le collosse la plus part fuyront,
Vesta sepulchre feu esteint apparoistre.

Q.7
Le grand conflit qu’on appreste à Nancy,
L’Aemathien dira tout ie soubmets,
L’Isle Britanne par vin sel en solcy:
Hem, mi. deux Phi. long temps ne tiêdra Mets.

Q.8
Index & poulse parfondera le front,
De Senegalia le Conte à son fils propre,
La Myrnamee par plusieurs de prin front,
Trois dans sept iours blessés mort.

Q.9
De Castillon figuieres iour de brune,
De femme infame naistra souuerain Prince:
Surnom de chausses perhume luy posthume,
Onc Roy ne fut si pire en sa prouince.

Q.10
Tasche de meurdre, enormes adulteres,
Grand ennemy de tout le genre humain:
Que sera pire qu’ayeuls, oncles ne peres,
Enfer, feu, eaux, sanguin & inhumain.

Q.11
Dessous Ionchere du dangereux passage,
Fera passer le posthume sa bande.
Les monts Pyrens passer hors son bagage,
De Parpignan courira duc à Tende.

Q.12
Esleu en Pape, d’esleu se mocqué,
Subit soudain esmeu prompt & timide,
Par trop bon doux à mourrir prouoqué,
Crainte esteinte la nuict de sara mort guide.

Q.13
Souz la pasture d’animaux ruminant,
Par eux conduicts au ventre helbipolique,
Soldats cachez, les armes bruit menant,
Non long temptez de cité Antipolique.

Q.14
Vrnel Vaucile sans conseil de soy mesmes,
Hardit timide, car crainte prins vaincu,
Accompagné de plusieurs putains blesmes.
A Barcellonne au Chartreux conuaincu.

Q.15
Pere duc vieux d’ans & de soif chargé,
Au iour extreme fils desniant l’esguiere.
Dedans le puits vif mort viendra plongé.
Senat au fil la mort longue & legere.

Q.16
Heureux au regne de France, heureux de vie,
Ignorant sang, mort fureur & rapine:
Par mon flateurs sera mis en enuie,
Roy desrobé, trop de foye en cuisine.

Q.17
La Royne estrange voyant sa fille blesme,
Par vn regret dans l’estomach enclos:
Cris lamentables seront lors d’Angolesme,
Et au germains mariage forclos.

Q.18
Le ranc Lorrain fera place à Vendosme,
Le haut mis bas, & le bas mis en haut,
Le fils de Mamon sera esleu dans Rome,
Et les deux grands seront mis en defaut.

Q.19
Iour que sera par Royne saluee,
Le iour apres se salut, la premiere:
Le compte fait raison & valbuee,
Par auant humble oncques ne fut si fiere.

Q.20
Tous les amis qu’auront tenu party,
Pour rude en lettres mis mort & saccagé.
Biens publiez par fixe grand neanty,
Onc Romain peuple ne fut tant outragé.

Q.21
Par le despit du Roy soustenant moindre,
Sera meurdry luy presentant les bagues:
Le pere au fils voulant noblesse poindre,
Fait comme à Perse jadis firent les Magues.

Q.22
Pour ne vouloir consentir au diuorce,
Qui puis apres sera cogneu indigne:
Le Roy des isles sera chassé par sorte,
Mais à son lieu qui de roy n’aura signe.

Q.23
Au peuple ingrat faictes les remonstrances.
Par lors l’armee se saisira d’Antibe,
Dans l’arc Monech feront les doleances,
Et à Freius l’vn l’autre prendra ribe.

Q.24
Le captif prince aux Itales vaincu
Passera Gennes par mer iusqu’à Marceille,
Par grand effort des forens suruaincu
Sauf coup de feu barril liqueur d’abeille.

Q.25
Par Nebro ouurir de Bisanne passage,
Bien esloignez el tago fara moestra,
Dans Pelligouxe sera commis l’outrage,
De la grand dame assise sur l’orchestra

Q.26
Le successeur vengera son beau frere,
Occuper regne souz vmbre de vengeance,
Occis ostacle son sang mort vitupere,
Long temps Bretaigne tiendra auec la France.

Q.27
Par le cinquiesme & vn grand Hercules
Viendront le temple ouurir de main bellique,
Vn Clement, Iule & Ascans recules,
L’espee, clef, aigle, n’eurent onc si grand picque.

Q.28
Second & tiers qui font prime musique
Sera par Roy en honneur sublimee,
Par grance & maigre presque demy eticque
Raport de Venus faux rendra deprimee.

Q.29
De Pol MANSOL dans cauerne caprine
Caché & prins extrait hors par la barbe,
Captif mene comme beste mastine
Par Bergourdans amenee pres de Tarbe.

Q.30
Nepveu & sang du sainct nouueau venu,
Par le surnom soustient arcs & couuert
Seront chassez mis à mort chassez nu,
En rouge & noir conuertiront leur vert.

Q.31
Le sainct Empire, viendra en Germanie
Ismaëlites trouueront lieux ouuerts,
Asnes voudront aussi la Carmanie
Les soustenans de terre tous couuerts.

Q.32
Le grand empire chacun an deuoit estre,
Vn sur les autres le viendra obtenir:
Mais peu de temps sera son reigne & estre,
Deux ans naues se pourra soustenir.

Q.33
La faction cruelle à robe longue,
Viendra cacher souz ses pointus poignards,
Saisir Florence le Duc & lieu diphlonque,
Sa descouuerte par immurs & flangnards.

Q.34
Gaulois qu’empire par guerre occupera,
Par son beau frere mineur sera trahy:
Pour cheual rude voltigeant trainera,
Du fait le frere long temps sera hay.

Q.35
Puisnay royal flagrant d’ardant libide,
Pour se iouyr de cousine germaine:
Habit de femme au temple d’Arthemide,
Allant meurdry par incognu du Maine.

Q.36
Apres le Roy du soucq guerres parlant,
L’Isle Harmotique le tiendra à mespris:
Quelques ans bons rongeant vn & pillant,
Par tyrannie à l’isle changeant pris.

Q.37
L’assemblee grande pres du lac de Borget,
Se ralieront pres du Montmelian:
Marchans plus outre pensifs feront proget
Chambry, Moraine combat sainct Iulian.

Q.38
Amour allegre non loing pose le siege.
Au sainct barbar seront les garnisons:
Vrsins Hadrie pour Gaulois feront plaige,
Pour peur rendus de l’armee aux Grisons.

Q.39
Premier fils vefue malheureux mariage,
Sans nuls enfans deux Isles en discord:
Auant dixhuict incompetant eage,
De l’autre pres plus bas sera l’accord.

Q.40
Le ieune n’ay au regne Britannique,
Qu’aura le pere mourant recommandé,
Iceluy mort LONOLE donra topique,
Et à son fils le regne demandé.

Q.41
En la frontiere de Caussa & de Charlus,
Non guieres loing du fonds de la valee:
De ville franche musique à son de luths,
Enuironnez combouls & grand mittee.

Q.42
Le regne humain d’Angelique geniture,
Fera son regne paix vnion tenir:
Captiue guerre demy de sa closture,
Long temps la paix leur fera maintenir.

Q.43
Le trop bon temps trop de bonté royale,
Fais & deffais prompt subit negligence.
Legier croira faux d’espouse loyalle,
Luy mis à mort par beneuolence.

Q.44
Par lors qu’vn Roy sera contre les siens,
Natifs de Bloys subiuguera Ligures,
Mammel, Cordube & les Dalmatiens,
Des sept puis l’ôbre à Roy estrênes & lemeures.

Q.45
L’ombre du regne de Nauarre non vray,
Fera la vie de sort illegitime:
La veu promis incertain de Cambray,
Roy Orleans donra mur legitime.

Q.46
Vie soit mort de l’or vilaine indigne,
Sera de Saxe non nouueau electeur:
De Brunsuic mandra d’amour signe,
Faux le rendant au peuple seducteur.

Q.47
De bourze ville à la dame Guyrlande,
L’on mettra sur par la trahison faicte
Le grand prelat de Leon par Formande,
Faux pelerins & rauisseurs deffaicte.

Q.48
Du plus profond de l’Espaigne enseigne,
Sortant du bout & des fins de l’Europe,
Troubles passant aupres du pont de Laigne,
Sera deffaicte par bande sa grand troupe.

Q.49
Iardin du monde aupres de cité neufue,
Dans le chemin des montaignes cauees:
Sera saisi & plongé dans la Cuve,
Beuuant par force eaux soulphre enuenimees.

Q.50
La Meuse au iour terre de Luxembourg,
Descouurira Saturne & trois en lurne:
Montaigne & pleine, ville cité & bourg,
Lorrain deluge, trahison par grand hurne.

Q.51
Des lieux plus bas du pays de Lorraine
Seront des basses Allemaignes vnis:
Par ceux du siege Picards, Normâs, du Maisne,
Et aux cantons se seront reünis.

Q.52
Au lieu où Laye & Scelde se marient,
Seront les nopces de long temps maniees:
Au lieu d’Anuers où la crappe charient,
Ieune viellesse consorte intaminee.

Q.53
Les trois pelices de loing s’entrebatront,
La plus grand moindre demeurera à l’escoute:
Le grand Selin n’en sera plus patron,
Le nommera feu pelte blanche routte.

Q.54
Nee en ce monde par concupine fertiue,
A deux haut mise par les tristes nouuelles,
Entre ennemis sera prinse captiue,
Et amenee à Malings & Bruxelles.

Q.55
Les malheureuses nopces celebreront
En grande ioye mais la fin malheureuse,
Mary & mere nore desdaigneront,
Le Phybe mort, & nore plus piteuse.

Q.56
Prelat royal son baissant trop tiré,
Grand fleux de sang sortira par sa bouche,
Le regne Angelicque par regne respiré,
Long temps mort vifs en Tunis côme souche.

Q.57
Le subleué ne cognoistra son sceptre,
Les enfans ieunes des plus grands honnira:
Oncques ne fut vn plus ord cruel estre,
Pour leurs espouses à mort noir bannira.

Q.58
Au temps du dueil que le felin monarque
Guerroyera la ieune Aemathien:
Gaule bransler, perecliter la barque,
Tenter Phossens au Ponant entretien.

Q.59
Dedans Lyon vingtcinq d’vne haleine,
Cinq citoyens Germains, Bressans, Latins:
Par dessous noble conduiront longue traine.
Et descouuers par abbois de mastins.

Q.60
Ie pleure Nisse, Mannego, Pize, Gennes,
Sauonne, Sienne, Capuë Modene, Malte:
Le dessus sang, & glaiue par estrennes,
Feu, trembler terre, eau. malheureuse nolte.

Q.61
Betta, Vienne, Emorte, Sacarbance,
Voudront liurer aux Barbares Pannone:
Par picque & feu enorme violance,
Les coniurez descouuers par matrone

Q.62
Pres de Sorbin pour assaillir Ongrie,
L’heraut de Brudes les viendra aduertir:
Chef Bisantin, Sallon de Sclauonie,
A loy d’Arabes les viendra conuertir.

Q.63
Cydron, Raguse, la cité au sainct Hieron,
Reuerdira le medicant secours:
Mort fils de Roy par mort de deux heron,
L’Arabe, Hongrie feront vn mesme cours.

Q.64
Pleure Milan, plure Luques, Florence,
Que ton grand Duc sur le char montera,
Changer le siege pres de Venise s’aduance,
Lors que Colonne à Rome changera.

Q.65
O vaste Rome ta ruyne s’approche,
Non de tes murs, de ton sang & substance
L’aspre par lettres fera si horrible coche,
Fer pointu mis à tous iusques au manche.

Q.66
Le chef de Londres par regne l’Americh,
L’Isle d’Escosse tempiera par gelee:
Roy Reb auront vn si faux Antechrist,
Que les mettra trestous dans la meslee.

Q.67
Le tremblement si fort au mois de may,
Saturne, Caper, Iupiter, Mercure au boeuf:
Venus aussi, Cancer, Mars, en Nonnay,
Tombera gresle lors plus grosse qu’vn oeuf.

Q.68
L’armee de mer deuant cité tiendra,
Puis partira sans faire longue allee:
Citoyens grande proye en terre prendra,
Retourner classe prendre grande emblee.

Q.69
Le fair luysant de neuf vieux esleué,
Se ront si grands par Midy, Aquilon:
De sa soeur propre grandes alles leué,
Fuyant meurdry au buisson d’Ambellon.

Q.70
L’oeil par obiect fera telle excroissance,
Tant & ardante que tombera la neige:
Champ arrousé viendra en decroissance,
Que le primat succombera à Rege.

Q.71
La terre & lair geleront si grand eau,
Lors qu’on viendra pour Ieudy venerer:
Ce qui sera iamais ne fut si beau,
Des quatre parts le viendront honorer.

Q.72
L’an mil neuf cens nonante neuf sept mois,
Du ciel viendra vn grand Roy d’effrayeur:
Resusciter le grand Roy d’Angolmois,
Auant apres Mars regner par bon-heur.

Q.73
Le temps present auecques le passé,
Sera iugé par grand Iouialiste:
Le monde tard luy sera lassé,
Et desloyal par le clergé iuriste.

Q.74
Au reuolu du grand nombre septiesme,
Apparoistra au temps ieux d’Hecatombe:
Non esloigné du grand aage milliesme,
Que les entrez sortiront de leur tombe.

Q.75
Tant attendu ne reuiendra iamais,
Dedans l’Europe en Asie apparoistra:
Vn de la ligue yssu du grand Hermes,
Et sur tous Roys des Orients croistra.

Q.76
Le grand Senat discernera la pompe,
A l’vn qu’apres sera vaincu chassé:
Ses adherans seront à son de trompe
Biens publiez, ennemis dechassez.

Q.77
Trente adherans de l’ordre des quirettes
Bannis, leurs biens donnez ses aduersaires:
Tous leurs bienfaits seront pour demerites,
Classe espargie deliurez aux Corsaires.

Q.78
Subite ioye en subite tristesse,
Sera à Rome aux graces embrassees:
Dueil, cris, pleurs, larm. sang, excellent liesse
Contraires bandes surprinses & troussees.

Q.79
Les vieux chemins seront tous embellys,
Lon passera à Memphis somentree:
Le grand Mercure d’Hercules fleur de lys,
Faisant trembler terre, mer & contree.

Q.80
Au regne grand du grand regne regnant,
Par force d’armes les grands portes d’airain:
Fera ouurir, le Roy & Duc ioignant,
Fort demoly, nef à fons, iour serain.

Q.81
Mis tresors temple citadins Hesperiques,
Dans iceluy retiré en secret lieu:
Le temple ouurir les liens fameliques,
Reprens, rauis, proye horrible au milieu.

Q.82
Cris, pleurs, larmes viendront auec couteaux,
Semblant fuyr, donront dernier assaut,
L’entour parques planter profonds plateaux,
Vifs repoussez & meurdris de plinsaut.

Q.83
De batailler ne sera donné signe,
Du parc seront contraints de sortir hors:
De Gand l’entour sera cogneu l’ensigne,
Qui fera mettre de tous les siens à morts.

Q.84
La naturelle à si haut non bas,
Le tard retour fera marris contens:
Le Recloing ne sera sans debats,
En employant & perdant tout son temps.

Q.85
Le vieil tribun au point de la trehemide
Sera pressee, captif ne deliurer,
Le vueil, non vueil, le mal parlant timide,
Par legitime à ses amis liurer.

Q.86
Comme vn gryphon viendra le Roy d’Europe,
Accompagné de ceux d’Aquilon,
De rouges & blancs conduira grand troupe,
Et iront contre le Roy de Babylon.

Q.87
Grâd Roy viendra prendre port pres de Nisse,
Le grand empire de la mort si en fera
Aux Antipolles, posera son genisse,
Par mer la Pille tout esuanouyra.

Q.88
Pieds & Cheual à la seconde veille,
Feront entree vastient tout par la mer:
Dedans le poil entrera de Marseille,
Pleurs, crys, & sang, onc nul temps si amer.

Q.89
De brique en mabre seront les murs reduits,
Sept & cinquante annees pacifiques:
Ioye aux humains, renoué l’aqueduict,
Santé, temps grands fruicts, ioye & mellifiques.

Q.90
Cent fois mourra le tyran inhumain,
Mis à son lieu sçauant & debonnaire,
Tout le Senat sera dessous sa main,
Fasché sera par malin temeraire.

Q.91
Clergé Romain l’an mil six cens & neuf,
Au chef de l’an feras election:
D’vn gris & noir de la Compagnie yssu,
Qui onc ne fut si maling.

Q.92
Deuant le pere l’enfant sera tué,
Le pere apres entre cordes de ionc,
Geneuois peuple sera esuertue,
Gisant le chef au milieu comme vn tronc.

Q.93
La barque neufue receura les voyages,
Là & aupres transfereront l’Empire:
Beaucaire, Arles retiendrons les hostages,
Pres deux colomnes trouuees de Porphire.

Q.94
De Nismes d’Arles, & Vienne contemner,
N’obeyr à ledict d’Hespericque:
Aux labouriez pour le grand condamner,
Six eschappez en habit seraphicque.

Q.95
Dans les Espaignes viendra Roy trespuissant,
Par mer & terre subiugant or Midy:
Ce ma fera, rabaissant le croissant,
Baisser les aisles à ceux du Vendredy.

Q.96
Religion du nom de mers vanicra,
Contre la secte fils Adaluncatif,
Secte obstinee deploree craindra
Des deux blessez par Aleph & Aleph.

Q.97
Triremes pleines tout aage captif,
Temps bon à mal, le doux pour amertume:
Proye à Barbares trop tost seront hatifs,
Cupid de voir plaindre au vent la plume.

Q.98
La splendeur claire à pucelle ioyeuse,
Ne luyra plus, long temps sera sans sel:
Auec marchans, ruffiens, loups odieuse,
Tous pesle mesle monstre vniuersel.

Q.99
La fin le loup, le lyon, beuf, & l’asne,
Timide dama seront auec mastins:
Plus ne cherra à eux la douce manne,
Plus vigilance & custode aux mastins.

Q.100
Le grand empire sera par Angleterre,
Le pempotam des ans de trois cens:
Grandes copies passer par mer & terre,
Les Lusitains n’en seront par contens.

Q.100 bis
Quand le fourchu sera soustenu de deux paux,
Auec six demy corps, & six sizeaux ouuers:
Le trespuissant Seigneur, heritier des crapaux,
Alors subiuguera, sous soy tout l’vniuers.

Annunci